نیویارک۔23ستمبر (اے پی پی): مزن وزیر محمد شہباز شریف مرچی آدینگ ءِ روچ ءَ یونائیٹڈ نیشن ءِ جنرل اسمبلی ءَ گشتانک دنت ایشی ءِ اندر ءَ آ پاکستان ءَ سیلاپ ءِ تباہی آنی نیمگ ءَ دگنیا ءَ را دلگوش کنت ءُ سیلاپ ءَ چہ بوھوکیں ڈکال آنی گوما گر ءُ چیل بوھگ ءِ واستہ میاں اوستمانی کمک آنی دزبندی ھم کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر پاکستان یونائیٹڈ نیشن ءِ جنرل ااسمبلی ءِ 77 ھپتاد ءُ ھپتمی دیوان ءَ چارمی روچ ءَ مزن تکی باست ءُ واست آنی 12 دوہازدھمی سپیکر بیت۔ 193 ممبر اسمبلی ءَ انوگ ءَ تاں 140 میاں اوستمانی سروک بھر زوری کنگ ءَ انت۔ کوویڈ-19 ءَ چہ پد جنرل اسمبلی ءِ اے اولی دیوان ایشی ءِ تہ ءَ میاں اوستمانی لیڈر وت بھر زوری کنگ ءَ انت۔ تر ءُ تاب ءِ ساھت ءَ مزن وزیر شہباز شریف جتا جتائیں ملک آنی لیڈر آں گوں گند ءُ نند ءُ سیلاپ ءُ ھار ءِ ھوالگ ءَ سرپد کت اے سیلاپ آں چہ پاکستان ءِ گیشتریں ھند بُڈ اتگ انت۔ اے سیلاپ آں چہ انفراسٹرکچر ، لائیو سٹاک ءُ کشار آناں باز تاوان رستگ۔
