نیویارک۔22ستمبر (اے پی پی): مزن وزیر محمد شہباز شریف ءَ گوں ملنڈا اینڈ بل گیٹس فائونڈیشن ءِ شریکداری چیئرمین بل گیٹس ءَ گند ءُ نند کت ءُ پاکستان ءَ سیلاپ ءِ سبب ءَ استیں ھور ءُ ھار آنی بابت ءَ سرپد کت ایشانی سب ءَ 3 کروڑ 30 لکھ مردم بے گس بوتگ انت ءُ پولیو ءِ گامگیج ءُ پرائمری ہیلتھ ءِ ازمت آماچ بوتگ انت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ موہ ءَ مزن وزیر محمد شہبازشریف ءَ بل گیٹس ءَ گوں گند ءُ نند کت۔ مزن وزیر ءَ آئی ءَ را سیلاپ ءَ چہ الس ءِ زندمان ءُ زریعہ معاش ءِ سر ءَ رند پد، جان سلامتی ءُ حکومت ءِ نیمگ ءَ سکی آنی گیواری ءِ واستہ گامگیج آنی بابت ءَ سرپد کت۔ اقوام متحدہ ءِ ہیڈ کوارٹرز رہادگ بوہگءَچہ پیسر مزن وزیر محمد شہباز شریف ءَ گوں بل گیٹس گندء ُنند کنت۔ اقوام متحدہ ءِ ہیڈکوارٹرز سربوہگءَ مزن وزیر، اقوام متحدہ ءِ سیکرٹری جنرل انتونیو گوتیرس ءَ گوں گندء ُنندءَ دونیمگی کارانی سرءَ گپء ُتران ہم کنت۔ نیم روچ ءِ وہدءَ مزن وزیر ایڈتھ لیڈرر کو ایسوسی ایٹڈ پریس ءِ اے پی ٹی وی (Associated Press-AP TV) ءِ ھاترءَ گلگودار دنت۔ ایشی ءَ پد مزن وزیر جاپانی مزن وزیر فومیو کیشیڈا ، بیلجیم ءِ مزن وزیر الیگزینڈر ڈی کرو ء ُ ملائشیا ءِ مزن وزیر اسماعیل صابری یعقوب ءَ گوں جتاہ جتاہ گندءُ نندآں دونیمگی ھدوناکی ءِ کارانی سرءَ گپ ءُتران ہم کنت۔
