اسلام آباد۔22ستمبر (اے پی پی):صدر مملکت ڈاکٹر عارف علوی ءَ ملک ءِ ورنا ءُ زالبول آنی سر ءَ ز ور پرد اتگ کہ آ انسٹی ٹیوٹ آف رورل مینجمنٹ ءُ اگنائیٹ ءِ کمکءَ چہ بندات کتگیں گوگل ءِ کیریئر سرٹیفکیٹ پروگرام ءِ چیر دستی ءَ پیش کتگیں 15,000 آن لائن کورسز آنی تہءَ برجائی رنگ ءَ داخہ زور انت ءُ ایشاں چہ گیشاں چہ گیش سیت چست بکن انت، ڈیجیٹیلائزیشن ءَ چہ کاروباری ادارگ آنی کار کرد ءِ تہ ءَ گیشی بیت وھدیکہ بے روزگار مردم آناں راجی معیشت ءِ تہ ءَ وتی بھر ءَ مان کنگ ءِ موہ پجاری بیت۔ پاکستان وتی آئی ٹی سیکٹغر ءِ بدولت ءَ دیمروئی ءِ تاچ ءَ دیم ءَ در کپ کنت۔ آئی ءَ اے ھیالانی درشانی پنچ شمبے ءِ روچ ءَ گوگل کیریئر سرٹیفکیٹ پروگرام ءِ لانچنگ مراگش ءَ گوں وتی ورچوئل گشتانک ءَ کت۔ اے پروگرام ءِ چیر دستی ءَ گوگل پاکستان ءَ آئی ٹی سپورٹ ، آٹو میشن ، پروجیکٹ منیجمنٹ ، یوویکس ڈیزائن، ڈیتا اینا لیٹکس، ڈیجیٹل مارکیٹنگ ءُ ای کارمرس وڑیں مزن مزنیں درجہ ءِ آن لائن کورسز پیش کنگ ءَ انت۔
