کوئٹہ۔22ستمبر (اے پی پی): سر وزیر بلوچستان میر عبدالقدوس بزنجو ءَ گوشت کہ نصیر آباد ڈویژن ءِ سیلاپ ءَ چہ آماچیں ضلع آنی جاور ھال آنی گہتری ءِ گامگیج آناں وت نگرانی ءَ کنگ ءَ آں آماچیں مردم آنی وھد ءُ موہ ءِ سر ءَ آسودگی، سیلاپ ءِ آپ ءِ در کنگ ءُ ھوپ ءِ گر ءُ دار مئے اولی ترجی انت ایشی ءِ وا ستہ توامیں آسراتی آناں کارمرز کنگ ءَ آں۔ اے ھیالانی درشانی آئی ءَ پیسریگیں صوبائی وزیر میر عبدالغفور لہڑی ءُ صوبائی وزیر میر سکندر عمرانی ءَ نصیر آباد ڈویژن ءِ سیلاپی جاور ھال آں گوں تران کنان ءَ کت آئیءَ سر وزیر ءَ آماچیں مردم آنی جیڈھ آنی بابت سرپد کت ، صوبائی وزیر نور محمد دمڑ مبین خان خلجی میر ضیاء لانگو رکن صوبائی اسمبلی مولوی نور اللہ ءُ سینیٹر محمد عبدالقادر ھم اے موہ ءِ سر ءَ ساڑی ات۔ وھدیکہ چیف سیکرٹری عبدالعزیز عقیلی ءَ آماچیں ضلع ءَ جاڑیگیں کمکی چست ءُ ایر ءُ ایندگر نادراھی ملیریا ءِ گر ءُ داسرگ ءُ سیلاپ ءِ آپ ءِ در کنگ ءِ واستہ گامگیج آنی بابت ءَ سرجمیں ھال تران کت۔
