اسلام آباد۔22ستمبر (اے پی پی):صدر مملکت ڈاکٹر عارف علوی ءَ گوشت کہ شہید راج ءِ مڈی انت، وطن ءِ واستہ آئی ازمت ءُ قربانی آنی پد ءَ آئی ءَ را توسیپ ءُ ستا پیش کناں۔ پنچ شمبے ءِ روچ ءَ ایوان صدر ءِ پریس ونگ ءِ رد ءَ اے ھیالانی درشانی آئی ءَ 19 ستمبر ءَ گوریچانی وزیرستان ءَ شہید بوھوکیں سپاہی نذر محمد ءِ برات ءَ را ٹیلی فون کنان ءَ کت۔ صدر مملکت ءَ شہید ءِ برات ءَ گوں یکوئی ءِ درشان ءُ ھاندان ءَ گوں دلپدردی ءِ درشان کت۔ ڈاکٹر عارف علوی ءَ شہید ءِ برز ءُ بلندی ءُ گس ءِ مردم آنی واستہ سگ ءُ اوپار کشی ءِ دعا ءِ نیک کت۔ صدر ءَ گوشت کہ ملک ءِ رکھینگ ءِ واستہ وتی جان آنی قربانی ءَ دیوکیں شہید آناں سلام پیش کناں۔
