اسلام آباد۔04مئی(اے پی پی ) شاہ آمید گس ئَ پاکستان تحریک انصاف ئِ چیئرمین عمران خان ءُ جنرل سیکرٹری جہانگیر ترین ئِ آف شورکمپنی آنی ھوالگئَ مقدمہ ئِ گوشدارگ تاں دوشمبے ئِ روچئَ مھتل کتگ۔ مسلم لیگ(ن) ئِ رہنما حنیف عباسی ئَ وتی دزبندی ئِ تہا آمید گس ئَ عمران خان ءُ جہانگیر ترینئَ را نااہل لیکگ ئِ دزبندی کتگ۔ پنچ شمبےئِ روچئَ شاہ آمید گس ئِ چیف جسٹس ثاقب نثار ئِ سروکی ئَ سئے باسکی بنچ ئَ پاکستان تحریک انصاف ئِ چیئرمین عمران خان ءُ سیکرٹری جنرل جہانگیر ترین ئِ آف شور کمپنی آنی ھوالگئَ مقدمہ گوشداشتگ گڈا اے موھئَ دزبندی کنوک ئِ وکیل اکرم شیخ ئَ وتی گپ کتگءُ گشتگ کہ تحریک انصافئِ چیئرمین ءُ جنرل سیکرٹری ئَ را وتی مال ءُ میراث چیر دیئگ ءُ الیکشن کمیشن ئِ تہا ردیں گوشوارہ جم کنگئِ سرئَ نااہل لیکگ بہ بنت۔ زانگ بہ بیت کہ پاکستان مسلم لیگ (ن) ئِ باسک حنیف عباسیءَ وتی دزبندی ئِ تہا آمید گسئَ چہ عمران خانءُ جہانگیر ترین ئَ را نا اہل لیکگ ئِ دزبندی کتگ۔
