اسلام آباد۔22ستمبر (اے پی پی): مزن وزیر محمد شہبا ز شریف ءَ امریکی صدر جو بائیڈن ءِ نیمگ ءَ چہ اقوام متحدہ ءِ جنرل اسمبلی ءَ تران ءِ وہدءَ پاکستان ءِ ہارءِ آماچیں مردمانی جاورھال ءَ را پدر کنگءَ آئی ءِ شکرء ُمنت گپتگ۔ پنچ شمبے ءِ روچءَ وتی ٹویٹءِتہا مزن وزیر ءَ گشتگ منی ملک ہارءِ تباہی ءِ دیمپانی ءَ کنگ ءَ اِنت۔ آئی ءَ میاں اوستمانی براتی ءِ سرءَ زور پرداتگ کہ آ اے جاورھال ءَ را گرءُ دار کنگ ء، ھاترءَ وتی کرد ءَ پیلو بہ کن اِت۔ مزن وزیر ءَ گشتگ کہ ہار ءِ آماچ بوتگیں زالبول ءُ زھگاناں کمک کنگءِ ضلورت اِنت۔
