نیو یارک۔22ستمبر (اے پی پی): مزن وزیر محمد شہباز شریف مرچی ( پنچ شمبے ) ء ِ روچءَ اقوام متحدہ ءِ سیکرٹری جنرل انتونیو گوتیرسء ُ مائیکرو سافٹ ءِ جوڑ کنوک بل گیٹس ءَ ہوار ایندگہ بازیں راہشوناں گوں گندءُنند ہم کنت، مزن وزیر پاکستان ءَ انوگیں ہارءَ چہ بوتگیں تباہی ءَ ر ا پدر کنگءِ ھاترءَ اقوام متحدہ سیکرٹریٹ ءِ تہا جتگیں عکسی نماش ءِ ہم ترءُتاب ءَ کنت۔ مزن وزیر کارگس ءِ میڈیا ونگ ءَ چہ پنچ شمبے ءِ رو چءَ جاری بیانءِ ردءَ ا قوام متحدہ ءِ جنرل اسمبلی ءِ 77می دیوان ءِ مزن تک ءِ باست ء ُ واست ءِ سئمی روچ مزن وزیر محمد شہباز شریف نیویار ک ءَ سُر ءُپر کنگ ءِ یک دگہ روچے گوازینیت۔ اقوام متحدہ ءِ ہیڈ کوارٹرز رہادگ بوہگءَچہ پیسر مزن وزیر محمد شہباز شریف ءَ گوں بل گیٹس گندء ُنند کنت۔ اقوام متحدہ ءِ ہیڈکوارٹرز سربوہگءَ مزن وزیر، اقوام متحدہ ءِ سیکرٹری جنرل انتونیو گوتیرس ءَ گوں گندء ُنندءَ دونیمگی کارانی سرءَ گپء ُتران ہم کنت۔ نیم روچ ءِ وہدءَ مزن وزیر ایڈتھ لیڈرر کو ایسوسی ایٹڈ پریس ءِ اے پی ٹی وی (Associated Press-AP TV) ءِ ھاترءَ گلگودار دنت۔ ایشی ءَ پد مزن وزیر جاپانی مزن وزیر فومیو کیشیڈا ، بیلجیم ءِ مزن وزیر الیگزینڈر ڈی کرو ء ُ ملائشیا ءِ مزن وزیر اسماعیل صابری یعقوب ءَ گوں جتاہ جتاہ گندءُ نندآں دونیمگی ھدوناکی ءِ کارانی سرءَ گپ ءُتران ہم کنت۔
