نیویارک ۔22ستمبر (اے پی پی): دری کارانی وزیر بلاول بھٹو زرداری ءَ ہنگری ء دری کارانی ء ُ بیپاری ءِ وزیر پیٹرززیجارتو ءَ گوں اقوام متحدہ ءِ جنرل اسمبلی ءِ 77 می دیوان ءِ موہ ءَ گندء ُنندکتگ۔ دری کارانی وزیر ءِ ردءَ دوئیں راہشونانی نیام ءَ اے گندء ُ نند نیویارک ءَ بوتگ۔ دری کارانی وزیر ءَ گشتگ کہ پاکستان ہنگری ءِ گوما دونیمگی ءُ یورپی یونین ءِ ردءَ وتی سیادی ءَ را باز ارزشت دنت۔ گندءُ نندءَ دونیمگی سیادی ءِ درائیں پڑآنی سرءَ چارء ُ بچار کنگ بوتگ کہ آیانی تہا سیاسی، اقتصادی ءُ بیپاری ، دودءُ ربیدگ ، دیمپانی ءُ اُلسءِ گوما اُلس ءِ نزیکی ءِ بابتءَ کار ہوار اَنت۔ دونیمگی بیپاری ءُ اقتصادی سیادی ءَ را گیش کنگ ءِ ھاترءَ دلگوشی داتگ ء ُ دری کارانی وزیر ءَ سوج داستگ کہ ہنگری پاکستان ءِ تہا زرکار دوستیں ماحول ءَ چہ پائدگ کنگ ءَ پاکستانی کمپنی ءِ گوما حاس اقتصادی زون آنی تہا یکجائی منصوبہ بندات کُت کنت۔ دوئیں راہشوناں دونیمگی ھدوناکی ءِ دمگ ءُ میاں اوستمانی کارانی ہم چارء ُ تپاسی کتگ۔
