کوئٹہ۔ 22 ستمبر (اے پی پی) بلوچستان اٹی نوکاپ اٹی مروک آ شکست آتیٹی پین مسہ بندغ آتا زوال مننگ پک، صوبہ ٹی یکم جون آن داتم اسکان زوال کروک آ بندغ آتا کچ 304 مس۔ پنچ شنبے نادے آ ترجمان پراونشل ڈیزاسٹرمینجمنٹ اتھارٹی نا رداٹ 24 گھنٹہ غاتیٹی نوکاپ اٹی مروک آ شکست آتیٹی نرینہ و نیاڑی تتون اسہ چناسے نا زوال مننگ ءِ پک کننگانے، زوال کروک آ ہر مسٹ آ بندغ آتا تعلق جعفرآباد آن ءِ۔ رپورٹ اٹی پاننگانے کہ صوبہ ٹی یکم جون آن داتم اسکان زوال کروک آتا کچ 304 مس، زوال کروک آتیٹی 138 نرینہ، 74 زالبول و 92 چنااوار ءُ، غٹ آن زیات 40 زوال کوئٹہ، ژوب23 و لسبیلہ غان 21 مرک رپورٹ مس۔ داتم اسکان مچ آصوبہ ٹی پِر تیٹی چندی شکست آتیٹی 184 بندغ ٹھپی مسنو، نوکاپی دیر و پِر تیان جم وڑاٹ 72 ہزار 235 ہند نسخان مسنو وخت اس کہ 3 لکھ، 5 ہزار 155 آن زیات ساہدار نوکاپی دیر تا گواچی مسنو۔ پی ڈی ایم نا رداٹ داتم اسکان جم وڑاٹ 2 لکھ ایکڑ ڈغار آ سلوک فصل آتے نسخان رسینگا وخت اس کہ صوبہ ٹی نوکاپی دیر تیٹی 24 پول تمانو، نوکاپ و پِر تیان 2200 کلومیٹر آ تالان چندی شاہراک ہم بھاز زہمی مسنو۔
