اسلام آباد۔ 22 ستمبر (اے پی پی) چین اٹی تعینات پاکستانی سفیر معین الحق پارینے کہ پاکستان و چین جہانی زرکاری نا ستا و است بڈی ءِ کننگ آ امنا کرینو و سی پیک اٹی مسٹ میکو فریق آن پوسکن آ ٹیکنالوجی و چاہنداری درستی راستی کرفنگ آ امنا کننگانے ہرا ہڑتوم آ ملک آتون اسیجائی شونداری نا سفر ءِ مون آ دننگ نا خواہندار ءِ۔ چینی میڈیا ءِ تروک آ انٹرویو ٹی اومستی پارے کہ پاکستان و چین صنعتی نقل مکانی، کشاری جدید کاری، سائنس و ٹیکنالوجی نا کمک ، روزگار و مخلوق نا راجی و اقتصادی آسودہی آ خاص چکار اتون سی پیک نا ترند رفتار شونداری کن سنبرینگوک ءُ۔
