یوٹیلیٹی اسٹورز کارپوریشن نوکاپ زہمی تے خور و ایلو المی آ گڑا فراوان کننگ اٹ اہم کڑد ادا کننگ اٹی ءِ، سینئر جنرل منیجرعنایت اللہ دولہ

اسلام آباد۔ 22 ستمبر (اے پی پی) یوٹیلیٹی اسٹورز کارپوریشن نا سینئر جنرل منیجر عنایت اللہ دولہ پارینے کہ یوٹیلیٹی اسٹورز کارپوریشن (یو ایس سی) نوکاپ آن زہمی علاقہ غاتیٹی مخلوق ءِ خور و ہڑدے ئی کاریم اٹ اتنگ نا ایلو المی آ گڑافراوان کننگ اٹ اہم کڑد ادا کننگ ءِ۔ داخیال آتا درشانی ءِ او پنچ شنبے نادے آ میڈیا تون گپ و تران کرسا پارے کہ نوکاپ آن زہمی مخلوق ءِ راشن نا تھیلہ بشمول نت، برنج، پال ، دال ، ماچس نا ڈبہ و ایلو المی آ گڑاتے فراوان کننگا۔ اوپارے کہ سندھ حکومت کمک کن نن تون رابطہ کرے و 345،000راشن پیکٹ نا فراوانی نا پرمان کرے ہرادے نن مسہ دے آن ہم کم وخت اٹی پورو کرینن۔ اوپارے کہ سندھ حکومت نا کنڈآن 655،000 راشن پیکٹ آتا ودکی آرڈر درو ملا و نن اودے پورو کننگ کن کاریم کننگ اٹی اُن۔ یو ایس سی بنجائی حکومت نا کنڈآن سویلی پنجاب کن 113،000 راشن پیکٹ آتا آرڈرہم پورو کرے۔ اومستی پارے کہ بنجائی حکومت ءِ 60 ہزار آن زیات پیکٹ آتا اسہ پین آرڈر اس ہم دوئی مسنے ہرادے زوت آن زوت پورو کننگک۔ عنایت اللہ دولہ پارے کہ وزیراعظم نا ریلیف پیکج نا کمک اٹ ننا سپلائی نا فراوانی ہروار آنبار برجاءِ و داٹی ہچ ءُ اڑاند اس اف۔