نیویارک۔22ستمبر (اے پی پی): مزن وزیر محمد شہباز شریف ءَ گوشت کہ سیلاپ ءِ جاور ھال آنی سبب ءَ سرجمیں دگنیا ءُ ادارگ آناں پاکستان ء، گوما ھمبراھ داری کنگ لوٹ ائیت، اوشتاتگیں آپ ءَ چہ نادُراھی ءِ شنگ ءُ تالان بوھگ ءِ ترس ءُ بیم انت، لکھانی زھگ وردن ءُ وراک ءَ چہ زبھر انت، ما آئی ایم ایف پروگرام ءَ را سرجمیں پد ءُ رندی ءَ کناں۔ استیں جاور ھال آنی رد ءَ پاکستان وتی آسراتی ءَ چہ معاشی ءُ سیلاپی جاور ھال آنی گوما دیم پہ دیمی کت نہ کنت۔ سیلاپ ءِ آماچیں مردم آنی آسودگی ءِ ھوالگ ءَ آن لائن چار ءُ تپاسی دیوان ءَ گوں گشتانک دیان ءَ مزن وزیر شہباز شریف ءَ گوشت کہ نیب ءَ جم بوتگیں ریفرنس ءَ بنجاھی وزیر احسن اقبال ءِ بے کسوری بوھگ ءِ پد ءَ آئی ءَ را مبارک بات پیش کناں۔
