نیویارک۔21ستمبر (اے پی پی): وزیر ءِ درئی کار بلاول بھٹو زرداری ءَ گوشتگ کہ یونائیٹڈ نیشن ءِ منشور، رھبند آنی وتی بندوکی، دل یکیمی کنت، اے رھبند آنی بنیات ءَ ٹوھیں ءُ کساسنیں ریاست آنی نیام ءَ کشاں چیل آنی گیواری ءَ را دیمروئی دیگ ضلوری انت۔ گوستگیں ھپتاد سال آنی وھد ء پاس ءَ بھارت ءَ کودکیں کشمیری آناں لگت مال کتگ، اے رد ءَ یونائیٹڈ نیشن ءِ منوگری آناں ڈگار ءَ جتگ۔ ءُ پینگ جتگ۔
آئی ءَ یونائیٹڈ نیشن ءِ سیکرٹری جنرل ءِ سر ءَ زور پر دات کہ آ یونائیٹڈ نیشن ءِ منوگری آرٹیکل 99 ءِ چیر دستی ءَ سلاھکار ءِ گامگیج آناں کارمرز بیار ائیت تانکہ بھارت ءَ را وتی یک نیمگی گامگیج آناں واپس بہ زور ائیت ءُ جموں کشمیر ءِ کشاں چیل ءِ گیواری بوت بہ کنت۔ اے کشاں چیل ءَ ھوالگ ءَ سلامتی کونسل ءِ منوگری ءُ یونائیٹڈ نیشن ءِ منشور آنی د ءُ رندی ءِ واستہ سلامتی کونسل ءِ سیکرٹری جنرل ءِ سرجمیں کمک ءُ ھمبراہ داری کنگ لوٹ ائیت۔ آئی ءَ گوشت کہ پاکستان ءَ را اے گروپ َ باسک بوھگ ءِ پد ءَ پھر انت۔
