مسلہ کشمیر  ءِ  گیواری   ءَ ابید  زر باری  ایشیا ءَ ایمنی   برجا بوت نہ کنت،  وزیر ءِ درئی کار  بلاول  بھٹو  زرداری ءِ  او آئی  سی ءِ  جموں   ءُ  کشمیر ءِ  ھوالگ ءَ  رابطہ  گروپ   ءِ وزارتی  دیوان ءَ گوں گشتانک نیویارک۔21ستمبر (اے پی پی):  وزیر ءِ درئی کار بلاول بھٹو  زرداری  ءَ گوشتگ کہ  جموں  ءُ کشمیر ءِ جیڈھ   انصاف  ءُ  میاں اوستمانی کانود  آنی بنیات ءَ ایمنیں  رپک ءَ  گیواری  ءَ ابید  زر باری ایشیا  ءَ  ایمنی  برجا  بوت نہ کنت، پاکستان  جموں کشمیر ءِ  کشاں چیل ءِ گیواری ءِ وساتہ  بھارت ءِ گوما دوارگ   سول ءُ  تران  بندات کنگ ءِ واتہ تیار انت پدا ھم  اے رنگیں سول  ءُ تران  آنی واستہ  جوانٰیں  جاور پیداک کنگ ءِ زمہ وار  بھارت ءِ سر ءَ انت۔  او آئی سی رابطہ  گروپ  ءَ مقبوضہ  جموں  کشمیر ءَ ھراب بوھوکیں  جاور  آنی پد ءَ  میاں  اوستمانی  دلگوش کنگ ءِ  ھوالگ ءَ  ارزشتی ایں  کرد پیلو کتگ۔  او آئی  سی ءَ را  اے  جیڈھ ءَ را   یونائیٹڈ  نیشن  ءِ  سیادی داروکیں فورمز آنی سر ءَ  سہرا کنگ ءِ واتہ وتی کرد پیلو  کنگی انت۔  اے ھیال آنی درشانی  آئی ءَ یونائیٹڈ نیشن ءِ جنرل اسمبلی  ءِ  77 ھپتاد ءُ ھپتمی  دیوان ءِ موہ ءَ   اسلامی کمی  گل او آئی سی ءِ جموں و کشمیر  ءِ ھوالگ ءَ  رابطہ گروپ ءِ  وزارتی  دیوان ءَ گوں  گشتانک دیان  ءَ کت۔