نیویارک۔21ستمبر (اے پی پی): مزن وزیر شہباز شریف ءَ گوں ورلڈ بینک گروپ ءِ صدر ڈیوڈ مالپاس ءَ چار شمبے ءِ روچ ءَ ادا گند ءُ نند کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ ولڈ بینک گروپ ءِ صدر ءِ گوما گند ءُ نند ادا یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ موہ ءَ کت۔ آئی ءَ بنیاتی کوکا ءِ دیمروئی ، کشت ءُ کشار، شہری ءُ کوچگی دیرموئی، چاگردی ازمت ءُ معاشی نمگ آنی واستہ اکستان ءِ گوما جاڑیگیں منصوبگ آنی سر ءَ ھیال ریچی کت۔ مزن وزیر ءَ پاکستان ءِ گوما میاں اوستمانی بینک ءِ شریکداری آناں ساڑات ءُ آئی ءَ معیشت ءِ مھکمی، نیاد آنی تہ ءَ برجائی، ڈنی ءُ مالیاتی شوبگ آنی تہ ءَ مھکمی آنی ھوالگ ءَ دلگوشی کنان ءَ معاشی پالیشی آنی جوڑ کنگ ءِ واستہ حکوتم ء، نیمگ ءَ چہ کتگیں گامگیج آنی بابت ءَ سرپد کت۔ آئی ءَ گوشت کہ حکومت موسمی مٹ ءُ بدلی ءِ پاکستانی معیشت ءُ الس ءِ سر ءَ ھرابیں رند پد آنی گوما گر ءُ چیل بوھگ ِ واستہ میاں اوستمانی برات آں چہ گیشیں سرمایہ کاری ءُ مالیاتی آسراتی آنی ضلورت ءِ در جنگ ءِ واستہ کوشست ائیگ انت۔ مزن وزیر ءَ آئی ءَ را پاکستان ءَ نہ وشیں بوتگیں سیلاپ ءِ رند پد آنی بابت ءَ سرپد کت۔ آئی ءَ سیلاپ ءِ آماچیں مردم آنی واستہ کمکی چست ءُایر آنی بابت ءَ 372 ملین ڈالر پجاری کنگ ءِ میاں اوستمانی بینک ءِ شگر ءُ منت واری گپت۔ آئی ءَ گوشت کہ پاکستان ءِ موسمی مٹ ءُ بدلی ءَ چہ بازیں کرد نیست انت پدا ھم ایشاں چہ درستاں مستریں آماچ بوھوکیں ملک آنی تہ ءَ ھوار انت۔ میاں اوستمانی بینک ءِ صدر ءَ گوشت کہ پاکستان ءَ را میاں اوستمانی برات آنی یکجائی ءَ کمک ءَ چہ نوک سر جوڑیشت ءِ ھوالگ ءَ دلگوشی دیگ لوٹ ائیت۔ آئی ءَ گوشت کہ سیلاپ ءِ آماچیں مردم آنی واستہ چست ءُ ایر آنی تہ ءَ پاکستان ءِ کمک ءِ واستہ زوتیں رد ءَ گیش 850 ملین ڈالر پجاری کنگ ءِ سوگند ھم کتگ۔ دوئیں پریک آں ادارگ آنی گہتری کار آنی وسیلگ ءَ پاکستان ءِ ڈسپلین ءُ ازمت آنی گہتری ءِ واستہ یکجائی ءَ کار کنگ ءِ ھوالگ ءَ تپاک ھم کت۔
