اسلام آباد۔ 04 مئی (اے پی پی) بُنجاھی وزیر منصوبگ بندیئُُ دیمروئی احسن اقبال ئَ گوشت کہ اقتصادی راہداری ئِ گیشینتگیں وھد ئُُ پاس ئَ سرجمی پاکستان ئِ اُس ئِ کامیاتی بیت، توامیں اسٹیک ہولڈرز یکجاھ بہ بنت ئُ کار بکن اَنت، بُنجاھی ادارگ سیادی داروکیں صوبائی حکومت آنی گوما کمک ئَ را دل یکیمی بکن اَنت۔ پنچ شمبے ئِ روچ ئَ بُنجاھی وزارت منصوبگ بندی ئَ سی پیک منصوبگ آنی چار ئُُ تپاس گری ئَ دیوان برجم دارگ بوت۔ دیوان ئِ تہ ئَ بُنجاھ سیکریٹری منصوبگ بندی، چینی سفارتخانہ، سیادی داروکیں بُنجاھی ئُُ صوبائی وزارت ئُُ ادارگ آنی ٹوھیں اُگدھ دار آں بھر زُرت۔ دیوان ئِ تہ ئَ رسانک، ریلوے۔ ھاٹیگ۔ گوادر ئُُ ھاسیں اقتصادی ئُُ صنعتی زونز منصوبگ آنی کار ئِ چار ئُُ تپاس گری کنگ بوت۔ اے موہ ئِ سرئَ بُنجاھی وزیر ئَ گوشت کہ بُنجاھی حکومت صوبائی حکومت آنی مشکلہ آناں دور کنگ ئِ ھاترا مُدام تیار اِنت۔
