اسلام آباد۔ 4 مئی (اے پی پی) صدر مملکت ممنون حسین ئَ گوشت کہ کسانیں کاروباری پڑ ئِ مردم آناں نپ ئُُ سیت دیگ ئُُ گیش ٹیکس ئِ واتری ئِ واستہ زوت گامگیج کنگ بہ بیت تانکہ آ ملکی دیمروئی ئَ وتی بھر ئَ مان بکن اَنت، ٹیکس ئِ کانود ئِ سر ئَ دل یکیمی جوڑ کنگ بہ بیت ئُُ اے رد ئَ کس ئَ را چٹ دیگ مہ بیت۔ آئی ئَ اے گپ فیڈرل ٹیکس محتسب عبدالرﺅف چوہدری ئَ گوں تران کنان ئَ گوشت آئی ئَ پنچ شمبے ئِ روچ ئَ ایوان ئِ صدر ئَ آءی ئَ گوں گند ئُُ نند کتگ اَت۔ اے مو ہ ئِ سر ئَ فیڈرل ٹیکس محتسب ئَ وتی ادارگ ئِ ھمک سالی کرد 2016 ئِ رپوٹ صدر ئِ مملکت ئَ را پیش کُت۔ صدر ئِ مملکت ئَ گوشت کہ فیڈرل ٹیکس محتسب (ایف ٹی او) ئِ ادارگ ٹیکس دیوک آنی شکایست آنی زوت گیواری ئِ گامگیج ئَ کن اَنت، ایشی ئَ چہ نہ ایوک ئَ ٹیکس دیوک آنی دل یکیمی برجا بیت ، بلکینگ ئَ ملکی آمدنی ئِ تہئَ گیشی کئیت ایش ریاست ئِ برجائی ئَ کم اِنت۔ صدر ئِ مملکت ئَ ھمک سالی رپوٹ ئِ سر ئَ دل یکیمی ئِ درشان کُت ئُُ گوشت کہ ادارگ آنی تہ ئَ کتگیں گامگیج آں چہ ایشانی کرد گیش جوانتر بیت۔ آئی ئَ گوشت کہ بُنجاھی ٹیکس محتسب سیکرٹریٹ ئِ کرد ئِ تہ ئَ جوانی ئَ را گیش کنگ ئُُ اے رد ئَ ایندگہ ملک آنی تجروبت ئَ چہ گیش نپ چست کنگ بہ بیت۔
