نیویارک۔21ستمبر (اے پی پی): مزن وزیر محمد شہباز شریف ءَ گوں یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ موہ ءَ مرچی چار شمبے ءِ روچ ءَ آئی ایم ایف ءِ منیجنگ ڈائریکٹر ، ورلڈ بینک گروپ ءِ صدر ءُ ایندگر در ملکی سروک آں گوں گند ءُ نند کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف جنرلا سمبلی ءِ دیوان ءِ دومی روچ ءَ ھم دزگٹیں روچ ءِ گوازین ائیت۔ یونائیٹڈ نیشن ءِ ہیڈ کوارٹر روانگی ءَ چہ پیسر مزن وزیر محمد شہباز شریف ءَ گوں آئی ایم ایف ءِ منیجنگ ڈائریکٹر کرسٹالینا جارجیوا ءُ ورلڈ بینک گروپ ءِ صدر ڈیوڈ مالپس ءَ گوں گند ءُ نند کت۔ ایشی ءَ ا بید مزن وزیر یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان مزن تکی باست ءُ واست آنی تہءَ بھر زوری کنت۔ مزن وزیر پاکستان ءَ سیلاپ ءَ چہ آماچیں دمگ آنی تہءَ کمکی چست ءُ ایر آنی سر ءَ چار ءُ تپاسی زورگ ءِ وستہ زوم میٹنگ ءَ ھم سروکی کنت۔ مزن وزیر یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی 77 دیوان ءَ صر ساباکو روسی ءُ یورپی یونین ءِ صدر ارسالا وین ڈر لی این ءَ گوں جتا جتائیں گند ءُ نند کت۔ مزن وزیر مصر ء، نیمگ ءَ چہ COP 27 ءِ ھوالگ ءَ برجم بوھوکیں سروک آنی بند کمرہ دیوان ءَ ھم شرکت کنت۔ مزن وزیر فن لیڈن ءِ صدر صعولی ننستو ءَ چہ دو نیمگی کار آنی ھوالگ ءَ گند ءُ نند کن اَنت۔ بیگاہ ءَ مزن وزیر امریکہ ءِ صدر جوبائیڈن ءِ نیمگ ءَ یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ ھوالگ ءَ برجم داشتگیں دیوان ءَ بھر زوری ءِ واستہ مریکن نیچرل ہسٹری میوزم ءَ روت۔
