یوکوہاما۔ 04 مئی (اے پی پی) بنجاھی وزیر ئِ ھزانگ سینیٹر اسحاق ڈار ئُُ ایشائی دیمروئی بنک ئِ صدر تاکی ہیرونکاﺅ ئِ نیما ئَ جاپان ئِ شہریوکوہاما ئ۔ گند ئُُ نند بوت۔ بُنجاھی وزیر ئَ ایشیائی دیمروئی بنک ئِ نیمگ ئَ چہ پاکستان ئِ دیمروئی منصوبگ آنی تہ ئَ کمک ئَ را ساڑات۔ آئی ئَ گوشت کہ اے ڈی بی ئَ صدر تاکی ہیرونکاﺅ ئِ پاگواجئی ئَ پاکستان ئِ گوما جوانیں وت مہ وتی ئُُ یکوئی ئَ را ودینتگ۔ اے موہ ئِ سر ئَ ایشیائی دیمروئی بنک ئِ صدر ئَ استیں حکومت ئِ زمانگ ئَ پاکستان ئِ اقتصادی کرد ئَ را منگ ئُُ اے ھوالگ ئَ اسحاق ڈار ئِ کوشست آناں ساڑات۔ آئی ئَ گوشت کہ اے ڈی بی جوانیں دیمروئی ئُُ دراجبُریں یکجائیں بُرزیں کوھنڈگ ئِ نمبگ ئِ درجنگ ئِ واستہ پاکستان ئِ ھمک رنگ ئِ کمک ئَ جاڑی داریت۔ یات دارگ بہ بیت کہ بُنجاھی وزیر ئِ ھزانگ اسحاق ڈار ایشیائی دیمروئی بنک ئِ بورڈ آف گورنر ئِ 50پنجاھمی دیوان ئَ بھر زوری ئِ واستہ جاپان ئِ ترئُُ تاب ئَ اِنت۔
