اسلام آباد۔ 04 مئی (اے پی پی) صدر مملکت ممنون حسین ئَ گوشت کہ دمگی ایمنی ئِ برجائی ئِ واستہ پاکستان ئُُ سری لنکا ئِ نیام ئَ کمک جاڑی دارگ بیت۔ سری لنکا پاکستان ئِ لائک ئِ بیسہ ایں دوست اِنت۔ ایشی ئِ دوستی یے ما شرپ ئَ دار آں۔صدر ئِ مملکت ئَ اے گپ سری لنکن آرمی ئِ کمانڈر لیفٹیننٹ جنرل اے ڈبلیو جے سی ڈی سلوا ئَ گوں گند ئُُ نند ئِ ساھت ئَ کت اَنت۔ آئی ئَ ٹولہ ئِ ھمبراھی ئَ پنچ شمبے ئِ روچ ئَ ایوان ئِ صدر ئَ آئی گوں گند ئُُ نند کتگ اَنت۔ صدر ئِ مملکت ئَ گوشت کہ دوئیں ملک یک ئِ دومیگ ئِ گوما سک باز نزیک اَنت ئُُ میاں اوستمانی فورم آنی تہئَ یک ئِ دومیگ ئِ گوما سک باز کمک کن اَنت۔ آئی ئَ اُمیت سہرا کُت کہ آیوکیں وھد ئَ اے کمک آناں گیش کنگ بیت۔ آئی ئَ گوشت کہ دوئیں ملک آنی نیام ئَ دیمپانی ئَ ابید وانگ ئُُ زانگ ، تجارت ئُُ دود ئُُ ربیدگ ئِ شوبگ ئَ گیشی آرگ ئِ ضلورت اِنت۔ آئی ئَ گوشت کہ دوئیں ملک آنی نیام ئَ مزن تک ئِ ٹولیگ آنی وت مہ وتی ھیال ریچی بہ بیت تانکہ کمک آنی نوکیں کشک درجنگ بہ بیت۔
