اسلام آباد ۔3مئی ( اے پی پی) پاکستان تحقیقاتی کونسل برائے آبی وسائل(پی سی آر ڈبلیو آر) ئِ چارمی بورڈ آف گورنرز ئِ اجلاس چارشمبے ئِ روچئَ بوتگ۔ سائنس ءُ ٹیکنالوجی ئِ بنجاھی وزیر رانا تنویر حسین ئَ اجلاسئِ سروکی کتگ۔ بنجاھی وزیر ئَ اے موھ ئِ سرئَ انڈس ٹیلی میٹری ئِ بنگیج ھم کتگ۔ چیئرمین پی سی آر ڈبلیو آر ڈاکٹر محمد اشرف ئَ پی سی آر ڈبلیو آر ئِ گوستگیں یک سالے ءِ کردئِ ھوالگئَ شونشت داتگ۔ بنجاھی وزیرئَ کونسل ئِ نیمگئَ چہ چست کتگیں گامگیجءُ کوشستاناں ساڑاتگ ءُ راجی تک ئَ کونسلئِ ارزشت ئَ را دیمئَ ایر کتگءُ مینڈیٹءُ کارءُ کردئِ تہا گیش گیشی کنگئِ پنتءُ شون کتگ۔ ایشیئَ چہ پد بنجاھی وزیر ئَ پی سی آر ڈبلیو آر ئَ انڈس ٹیلی میٹری ءِ بنگیج ھم کتگ۔ انڈس ٹیلی میٹری پی سی آر ڈبلیو آر، آئی ڈبلیو ایم آئی پاکستان ءُ ہائیڈراکنسلٹنگ سروسز ئِ یک جائی تحقیقاتی شریداری اِنت۔

متعلقہ مضامینمصنف کی طرف سے مزید