راولپنڈی۔3مئی (اے پی پی) سری لنکا ئِ بری فوج ئِ سروک لیفٹیننٹ جنرل اے ڈبلیو جے سی ڈی سلوائَ چارشمبےئِ روچئَ جنرل ہیڈکوارٹرز ئِ ترءُ تاب کتگءُ شہیدانی یات گار ئِ سرئَ پھلانی چادر پرداتگ۔ آئی ئَ چیف آف آرمی سٹاف جنرل قمر جاوید باجوہ ئِ گوما گندءُ نندکتگ، آئی ئَ ناشرکارانی ءُ بندش جتگیں گلانی ھلاپ ئَ پاک فوجئِ جاری مہمئِ ھوالگئَ سرپد کنگ بوتگ۔ آئی ایس پی آر ئِ گشگئِ ردئَ سری لنکا ئِ فوج ئِ سروک ئَ ناشرکارانی ھلاپ ئِ جنگئَ سری لنکا ئِ کمک کنگئَ پاک فوج ئِ شگرءُ منت گپتگ ءُ آھوکیں وھدئَ اے نعلتئَ را سرجمیئَ گرءُدار کنگئِ ھاترئَ پاکستانئِ زانتکاریانی سرئَ سرجمئَ اوستئِ درشانی کتگ۔ چیف آف آرمی سٹاف جنرل قمر جاوید باجوہ ئَ ترءُ تابئِ وھدئَ وتی سری لنکا ھم کار ئَ گوں شگرءُ منت ئِ درشانی کتگ۔ دوھیں ملک آں دمگی سلامتی ئِ تہا گیشی ءُ فوجی کمکئِ ھاترئَ یک جاھ بوھگءُ کار کنگئِ جزمئِ درشانی کتگ۔
