اسلام آباد۔3مئی ( اے پی پی ) مزن وزیر محمد نواز شریف ئَ پاکستان ءُ سری لنکا ئِ درنیامئَ کمک ئِ سرئَ سدّکی ئِ درشانی کتگءُ دوھیں ملک آنی درنیامئَ دیمپانی ئِ ھوالگئَ کمک ئَ را گیش ترندءُ مھکم کنگئِ ضلورتئِ سرئَ زور پِرداتگ۔ آئی ئَ اے گپ سری لنکن آرمی ئِ کمانڈر لیفٹیننٹ جنرل اے ڈبلیوجے ڈیسلوا ئَ گوں چارشمبےئِ روچئَ مزن وزیر ایوانئَ گندءُ نندئِ تہا کتگ۔ مزن وزیر ئَ گشتگ کہ پاکستان ءُ سری لنکا ئَ را بازیں پڑآں کمک ئَ را گیش کنگءُ دمگی امنءُ ایمنی ءُ مھکمی ئِ ھاترئَ یک جاھ کار کنگئِ ضلورت اِنت۔ سری لنکن فوجئِ کمانڈر ئَ پاکستان ئِ ترءُتابئِ وھدئَ پُرمڈاھیں وش اَتک کنگئِ سرئَ مزن وزیر ئِ شگرءُ منت گپتگ۔ گندءُ نندئِ تہا دیمپانی ئِ وزیر خواجہ محمد آصف ءُ راجی سلامتی ئِ صلہ کار لیفٹیننٹ جنرل (ر) ناصر جنجوعہ ھم ساڑی بوتگ اَنت۔
