آ الیکشن کمیشن ءُ مزنیں آمید گساں سبوت دیئگئِ بدل ئَ چیر بوھگئِ کوشستئَ کنگئَ اِنت، دانیال عزیز
اسلام آباد۔3مئی ( اے پی پی) مسلم لیگ(ن) ئِ رہنما دانیال عزیز ئِ گشگ اِنت عمران خان سیاسی پوائنٹ سکورنگ ئِ ھاترئَ احتسابئِ گپئَ جنت، آ ءُ جہانگیر ترین احتسابئَ چہ تچگ ئَ اَنت، مہ آھاں کبند کناں ءُ آمید گس ئِ دیمئَ کاراَنت۔ شاہ آمید گس ئِ ڈنئَ ھال درئَ گوں گپءُ تران کنانئَ آئی ئَ گشتگ کہ وھدے کہ پاناما تاک کیس شاہ آمید گسئَ ھمک روچی بنیاتئَ گوشدارگ بوتگ آ وھدئَ عمران خانئَ سینگ ٹپ اِتگءُ گشتگ کہ اگاں ردیگ نہ کتگ گڈا تُرسگئِ ضلورت نہ اِنت، اگاں دُزی نہ کتگ گڈا پٹءُ پولئَ ھچ نہ بیت بلے مزن وزیر محمدنواز شریف ئَ وتئَ را وتی سئے نسل آناں احتساب ئِ ھاترئَ پیش کتگ ءُ مرچی عمران خان ءُ جہانگیر ترین الیکشن کمیشن ، مزن آمید گس ءُ شاہ آمید گس ئِ نیمگئَ چہ لوٹ اِتگیں سبوتانی دیئگئِ بدلئَ چیر بوھگئِ کوشستئَ کنگئَ اَنگ۔ دانیال عزیز ئَ گشتگ کہ عمران خانئَ خیبرپختونخوا ئَ ” 90روچانی تہا احتساب“ ئِ نعرہ جتگ بوتگ ،مرچی 4سال گوستگ سرجمیں صوبہئِ تہا احتسابئِ نام ءُ نشان نیست ، اگاں کمیشن جوڈ کنگئِ کوشست ھم کنگ بوتگ گڈا آئی ئَ را ھم لھتیں ماھانی تہا کُبل جنگ بوتگ۔ آئی ئَ گشتگ کہ مسلم لیگ(ن) تنا ےکےں گل اِنت کہ انصاف کُت کنت، وتی ھسابئَ دیئگ ئَ اِنت ءُ دومی ئَ را گرگءُ آمیدگساں پیش کنگئَ اِنت۔ آئی ئَ گشتگ کہ پاکستان ئِ اُلس سرپداَنت کہ کجام پارٹی نیتءُ عمل ئَ چہ احتساب لوٹ ایت ءُ کہ نعرہءُ کوکاراں چہ پُشتئِ دروازگئَ چہ حکومت ئَ وتی کنگ لوٹ ایت، مہ ھمک روچ راجئَ را عمران خانئِ سیاھیں کٹءُ کمائی ئَ چہ سرپد کن اَنت ءُ آئی ئَ را راجئِ دیمئَ پدّر کناں ۔ آئی ئَ گشتگ کہ مرچیگیں کیس ئِ ھوالگئَ چہ عمران خان ئَ 2000ئَ من اِتگ کہ آئی ئَ وتی مال ءُ میراث چیر داتگ اَنت ءُ ٹیکسئِ دزی کتگ وھدے کہ جہانگیر ترین ئَ نبشتہ کتگءُ داتگ ہ آئی ئَ وتی بورچی پانءُ مالی ئِ نامانی سرئَ بیپارکتگ۔ عمران خان ءُ جہانگیر ترین وتئَ را بہ چاراَنت کہ آ اُلسئَ را کجام نیمگئَ برگئَ اَنت۔
