جاپان پاکستان ئِ ارزشتی ایںدیمروئی شریکدار اِنت، ازشتی ایں منصوبگ جاپان ئِ کمک ئَ سرجم بوتگ اَنت، جاپانی سرمایہ کار پاکستان ئَ سرمایہ کاری ئِ جوانیں موہ ئَ چہ نپ چست بکن اَنت
اسلام آباد ۔ 4 مئی (اے پی پی) مزن وزیرمحمد نواز شریف ئَ گوشت کہ جاپان پاکساتان ئِ ارزشتی ایں شریکدار اِنت، ملک ئِ اندر ئَ بازیں ارزشتی ایں منصوبگ جاپان ئِ کمک ئَ چہ سرجم بوتگ اَنت، ما وتی اُلس ئِ دیمروئی ، وشھالی ئُُ ایمنی ئِ ودینگ ئِ ھاترا یکجائی وژن ئَ را دیم ئَ جنزینگ ئَ دل یکیم آں، جاپانی سرمایہ کار پاکستان ئَ استیں وھد ئِ سرمایہ کاری ئِ جوانیں موہ ئَ چہ نپ چست بکن اَنت۔ آئیئَ اے گپ جاپان ئِ درئی کارانی وزیر ئِ مملکت نوبو کیشی ئَ پنچ شمبے ئِ روچ ئَ تران کنان ئَ گوشت۔ مزن وزیر ئَ جاپانی وزیر ئُُ آئی ئِ ٹولیگ ئَ را وش اَتک کت۔آئی ئَ ستمبر 2016ئَ نیویارک ئَ مزن وزیر ایبے ئَ گوں گل ئُ شاتی ئَ ھیال ریچی کُت، ایشی ئِ تہ ئَ دو نیمگی یکوئی ئَ را گیش مھکم کنگ ئِ ھاتراجزم ئِ درشان کُت۔ مزن وزیر ئَ جاپان ئِ گوما تجارت، سرمایہ کاری ئُُ دیمروئی ئِ روگ ئُُ آیگ آناں دیمروئی دیگ ئِ اُمیت درشان کُت۔آئی ئَ گوشت کہ پاکستان نوں بازیں شوبگ آنی تہ ئَ سرمایہ کاری ئِ بے کساس موہ پیش کنگ ئَ اِنت ایشی ئَ چہ جاپانی سرمایہ کار گیشاں چہ گیش نپ چست کُت کن اَنت۔ جاپانی وزیر ئِ مملکت برائے درئی کار ئَ جوش ئُُ جذبگ آں گوں وش اَتک ئِ پد ئَ مزن وزیر ئِ شگر گپت ئُُ گوشت کہ پاک جاپان دو نیمگی یکوئی ئَ را گیش مھکم کنگ ئِ واھشت سہرا کُت۔
