اسلام آباد۔ 3 مئی (اے پی پی) سپیکر قومی اسمبلی سردار ایاز صادق ئَ گوشت کہ پڑ ئَ ایمنی ئِ برجائی ئِ ھاترا پاکستان ئُُ ایران ئِ نیام ئَ جوانیں یکوئی ئِ بے کساسیں ارزشت ئِ واھند اِنت، اے یکوئی ئَ را گیشن شائیگان کنگ ئِ ھاترا دوئیں ملک آنی نیام ئَ پارلیمانی رابطہ ئِ دیمروئی ئَ چہ سرجمیں پڑ ئَ براجائی کئیت۔ اے ھیالانی درشانی آئی ئَ ایرانی وزیر ئِ درئی کار جواد ظریف ئِ شرپ ئَ داتگیں سبارگ ئِ موہ ئَ گوشت اَنت۔ ایرانی وزیر ئِ درئی کار جواد ظریف اے روچاں وتی ٹولہ ئِ گوما پاکستان ئِ تر ئُُ تاب ئَ اِنت۔ سبارگ ئَ قائمہ کمیٹی برائے درئی کار ئِ چیئرمین اویس احمد خان لغاری، باسک قومی اسمبلی خسروبختیار ئُُ پاکستان ئَ ایران ئِ سفیر مہدی ہنر دوست ھم ساڑی اَت۔ اے موہ ئِ سر ئَ پڑ ئِ سلامتی ئُُ ایمنی ئِ ھوالگ ئَ گپ ئُُ تران کنان ئَ سپیکر قومی اسمبلی سردار ایاز صادق ئَ گوشت کہ پاکستان ئُُ ایران ئِ پڑ ئَ ایمنی ئُُ سلامتی ئِ ھوالگ ئَ یک ئِ دومیگئِ گوما ھیال ریچی بکن اَنت۔ آئی ئَ گوشت کہ اسلام ئِ منوک آنی تہ ئَ ھم یکوئی ئِ لوٹ اِنت، پڑ ئِ جیڈھ ھمساھگیں ملک آنی گوما گپ ئُُ تران ئِ وسیلگ ئَ گیوار بوت کن اَنت۔
