اسلام آباد۔ 3 مئی (اے پی پی) مزن وزیر محمد نواز شریف ئَ پاکستان ئُُ ایران ئِ نیام بازیں شوبگ آنی تہ ئَ دو نیمگی کمک ئَ را گیش ودینگ ئِ ھاترا مزن تک ئِ پڑ ئَ رو آ ئِ سر ئَ دل یکیمی ئِ درشان کنان ئَ اُمیت سہرا کُت کہ دوئیں ملک آنی تجارت، سرمایہ کاری، ھاٹیگ ئُُ رسانکی شوبگ آنی تہ ئَ وت مہ وتی رنگ ئَ جوانیں کمک ئَ را دیمرﺅی ئِ ھاترا اقتصادی یکوئی ئَ را گیش کنگ مھکم کن آں۔ آئی ئَ اے گپ ایرانی وزیر ئِ درئی کار جواد ثریف ئَ گوں تران کنان ئَ گوشت اَنت ، آئی ئَ دو نیمگی یکوئی یے گیش ودینگ ئِ ھاترا چار شمبے ئِ روچ ئَ اسلام آباد ئِ تر ئُُ تاب ئَ کُت اَنت۔ گند ئُُ نند ئِ تہ ئَ پڑ ئَ ایمنی ئُُ برجائی ئِ کار آنی سر ئَ گپ ئُُ تران کنگ بوت۔ مزن وزیر محمد نواز شریف ئَ دو نیمگی تجارت ئَ 5ارب ڈالر ئِ ھد ئُُ ابیل زوت سر کنگ ءِ ھاترا دو نیمگی تپاکی ئِ سر ئَ سک باز زور پر دات۔ 26اپریل 2017ئَ ایرانی بارڈر سیکورٹی گارڈز آنی شہادت ئِ ھوالگ ئَ ایرای صوبہ سیستان بلوچستان ئَ پیش آیوقکیں واکیہ ئِ سر ئَ مزن وزیر ئَ ایران حکومت ئُُ اُلس ئِ نیمگ ئَ دلپدردی ئِ درشان کُت۔ ایرانی وزیر ئِ درئی کار ئَ دو نیمگی یکوئی ئَ را گیش ودینگ ئُُ تجارت ئُُ اقتصادی کمک ئُُ بارڈر سیکورٹی ایشوز ئَ ھوار توامیں شوبگ آنی تہ ئَ رابطہ ئَ را گیش کنگ ئِ جھد ئُُ کوشست ئِ سر ئَ مزن وزیر ئِ شگر گپت۔ آئی ئَ ایرانی حکومت ئِ نیمگ ئَ چہ دو نیمگی یکوئی ئَ را گیش ودینگ ئِ ھاترا مدامیگیں کوشست آنی واستہ نیکیں واھگ آنی درشان کُت۔
