اسلام آباد۔ 3 مئی (اے پی پی)صدر مملکت ممنون حسین ئَ گوشت کہ پٹ ئُُ پولی زانشی ادارگ آنی پجار آرا گیش شائیگانی ئِ سابب ئَ نوکیں ھیال ئُُ دلگوشی ئَ را وش اَتک کنگ بیت ایش دیمروئی ئِ بنیات اَنت، پٹ ئُُ پول ئِ سر ئَ دلگوشی دیگ ئِ راج آنی تگ ئَ چہ وتارا نہ سِند آں، پٹ ئُُ پولی ادارگ ئُُ صنعت آنی نیام ئَ وت مہ ودتی یکوئی ئَ گیش مزن کنگ ئِ ضلورت اِنت، پاکستان ئِ آزمائش ئِ زمانگ ھلاس بوتگ، دیمرودئی مئے کسمت جوڑ بوتگ۔ صدر ئِ مملکت ممنون حسین ئَ اے گپ ہائر ایجوکیشن کمیشن ئِ چیر دستی ئَ پاکستانی دربر جاھ آنی ریسرچ پروگرام ئَ داد آنی بھر ئُُ بانگ ءِ مراگش ئَ گشتانک دیان ئَ کُت۔ اے موہ ئِ سر ئَ ایچ ای سی ئِ چیئرمین ڈاکٹر محتار احمد ئَ ھم گشتانک دات۔ صدر ئِ مملکت ممنون حسین ئَ گوشت کہ وانگ ئُُ زنگی ادارگ آنی تہ ئَ پگری شائیگانیبہ بیت تانکہ کوھنیں نکان آنی پٹ ئُُ پول ئُُ نوکیں ھیال آناں وش اَتک کنگ بہ بیت ایش دیمروئی ئِ بنیات اَنت۔ آئی ئَ گوشت کہ پٹ ئُُ پول ئِ سر ئَ دلگوشی دیوکیں راج دیمروئی ئِ تگ ئِ تہ ئَ اِچبر پشت ئَ پَشت نہ کپ اَنت چیا کہ زانت دوستیں چاگرد ئِ تہ ئَ پٹ ئُُ پول ئِ مول ئُُ مراد لھتیں مردم آنی زاتی دیمروئی ئُُ آسراتی نہ اِنت بلکینگ ئَ ایشی ئِ مول ئُُ مراد بنی آدم آنی گہبود اِنت۔
