گوادر۔03مئی(اے پی پی)سینیٹ ئِ ھاسیں کمیٹی برائے سی پیک ئِ چیئرمین سینیٹرتاج حید ر ئَ گشتگ کہ چین پاک اقتصادی راہداری یک مزنیں منصوبگ انت ایشی ئَ چہ نہ ایوکا چین ئُُ پاکستان ئِ بلکہ دگنیا ئِ بازیں ملک آن پائدگ رسیت وھدیکہ ھندی مردمان روزگار ئِ گیشتر موہ ساڑی بنت،مئے تروتاب ئِ مول ئُُ مراد گوادر ئَ آں منصوبگ آنی چار ئُُ تپاس گرگ ئُُ اے باروا وتی سپارشات پیش کنگ انت،ھندی ماہی گیر آن روزگار ئَ چہ کسے نہ داریت اے آہانی بنیاتی حق انت۔اے ھیالانی درشان آہاں چار شمبے ئَ گوادر ئَ سی پیک ئِ ھوالہ چہ برجمیں دیوان ئَ گوں تران کنان ئَ گشتگ۔اے موہ ئَ سینیٹر عثمان خان کاکڑ، سینیٹر شبلی فراز، سینیٹر غوث محمد خان نیازی، سینیٹر سردار اعظم موسیٰ خیل، سینیٹرڈاکٹر جہانزیب جمالدینی، سینیٹرمیرکبیرمحمد شاہی، سینیٹرنوابزادہ سیف اللہ خان مگسی ئِ ھوار گوادر پورٹ اتھارٹی ئِ چیئرمین دوستین جمالدینی، ڈائریکٹرمنیراحمد ئُُ دگہ مزن تکے اگدہ دار ساڑی اتنت ۔
