اسلام آباد۔3مئی ( اے پی پی) فوجی آمید گس آنی نیمگئَ چہ پاھو ئِ سزائِ گیش4بیم ناکیں ناشرکاراناں چارشمبے ئِ روچئَ پاھو دیئگ بوتگ۔ آئی ایس پی آر ئِ گشگئِ ردئَ اے ناشرکار کہ پاھو دیئگ بوتگ اَنت آ بے گناھیں شہرآنی کوشگ ئَ ، پاکستانئِ سلاھ بندیں فوجءُ کانود نافظ کنوکیں ادارگ آنی سرئَ اُرشئَ ھوار ناشرکاری ئَ ھوار بوتگ اَنت۔ گیشیں معلوم داری ئِ ردئَ برکت علی ولد عبدالغفار تحریک طالبان پاکستان ئِ یک باسکے بوتگ کہ اے یک شہریے ئِ کوش ئِ تہا ھوار بوتگ آئی ئِ گورئَ آس زوروکیں سلاھ ءُ تراک ئِ سامان ھم بوتگ ۔ مجرم ئَ مجسٹریٹ ءُ ٹرائل کورٹ ئِ دیمئَ وتی جرم من اِتگ ، آئی ئَ را پاھوئِ سزا دیئگ بوتگ۔ محمد عادل ولد محمد اکبر جان تحریک طالبان پاکستان ئِ یک باسکے بوتگ۔ آ فرنٹیئر کانسٹیبلری ءِ فوجی آنی آوار ، کوشگ ءُ پولیس اسٹیشنئَ را تباھ کنگئَ ھوار بوتگ۔ آئی ئِ گورئَ آس ءِ سلاھ ءُ تراک ئِ سامان بوتگ۔ مجرم ئَ مجسٹریٹ ءُ ٹرائل کورٹ ئِ دیم ئَ وتی جرم من اِتگ، آئی ئَ را پاھوئِ سزا دیئگ بوتگ۔ اسحاق ولد عبدالحی تحریک طالبان پاکستانئِ یک باسکے بوتگ کہ پاکستان ئِ یک باسکے بوتگ کہ کانود نافذ کنوکیں ادارگ آنی اہلکار آنی آوار جنگ ، کوش ءُ پاکستان ئِ سلاھ بندیں اُردانی سرئَ اُرشئَ آوار بوتگ کہ ایشی ئِ سوبئَ فوجی شہید بوتگ اَنت۔ مجرم ئِ گورئَ سلاھ ءُ تراک ئِ سامان است بوتگ کہ آئی ئَ مجسٹریٹ ءُ ٹرائل کورٹ ئِ دیمئَ وتی جرم من اتگ ءُ آئی ئَ را پاھو ئِ سزا دیئگ بوتگ۔
