لیہ، چوک اعظم، فتح پور ئُُ کروڑ لعل عیسن ئِ واستہ سوئی گیس ئِ پُجاری ئِ ھم جار جت
ملتان/لیہ۔2 مئی (اے پی پی )مزن وزیر محمد نوازشریف ئَ سئے شمبے ئِ روچ ئَ لیہ ئَ دریائے سندھ ئِ سر ئَ جوڑ بوھوکیں پُل ئِ نگیجی بُن ھشت ایر کُت۔ لیہ ئَ چہ تونسہ تاں جوڑ بوھوکیں اے پُل 700کروڑ کلدار ئِ ھرچ ئُُ درچ ئَ سرجم کنگ بیت۔ پل ئِ دراجی 1.55 کلومیٹر اِنت ئُ ایشی ئِ دوئیں نیمگ ئَ سڑک آنان وت مہ وت ئَ ملارینتگ ئُُ اے منصوبگ ئِ دراجی 24.1کلومیٹر بیت۔ سڑک ئُُ پل ئِ جوڑیشت ئَ چہ لیہ ئُُ تونسہ ئِ نیام ئَ پند 50کلومیٹر کم بیت ئُُ دو کلاک ئِ دوری ایوک ئَ نیم کلاک ئَ برگ بیت۔ مزن وزیر محمد نواز شریف ئَ لیہ، چوک اعظم، فتح پور ئُُ کروڑ لعل عیسن ئِ واستہ سوئی گیس ئِ پُجاری ئِ ھم جار جت۔ مزن وزیر ئَ چک 128ئَ چہ سمرا نشیب ئَ تاں 50کلومیٹر سڑک ئِ جوڑیشت ئِ حکم جاڑی کت اَنت۔ مزن وزیر ئَ جار جت کہ ہیلتھ کارڈ سکیم ئَ لیہ ئَ را ھم ھوار کنگ بوتگ ئُُ لھتیں روچ آنی تہ ئَ جتا جتائیں ٹیمب کاینت ئُُ سروے کن اَنت ایشی ئَ چہ پد بزگریں مردم آناں ہیلتھ کارڈ جاڑی کنگ بیت ایشی ئِ وسیلگ ئَ آ حکومت ئِ ھرچ ئِ سر ئَ علاج ئِ آسراتی ئَ چست کُت کن اَنتت۔
