اسلام آباد۔ 2 مئی (اے پی پی) پاکستان ئَ بھارت ئَ را سرپد کُت کہ کزبی اُردی ادارگ ئِ بوھگ ئِ سبب ئَ پاک اُرد ٹوھ تریں اخلاقی کد ئُُ بالاد ئَ دار ایت، لاش آنی گوما ناروائیں سلوک کنگ ئِ بھارت ئِ بھتام مقبوضہ وادی ئِ جاور ھال آں چہ میاں اوستمانی دلگوشی ئَ را گستا کنگ اِنت،سئے شمبے ئَ پاکستانی وھد ئُُ پاس ئِ رد ئَ روچ ئِ 11:30یازدھ ئُُ نیم کلاک ئَ پاکستان ئُُ بھارت ئِ ملٹری آپریشنز ئِ ڈائریکٹر جنرل ئِ نیام ئَ ھمک ھپتگی ہاٹ لائن رابطہ بوت، پاک اُرد ئِ ملٹری آپریشنز آنی ڈائریکٹر جنرل ئَ پاکستانی اُرد ئِ نیمگ ئَ بھارتی اُرد آنی لاش آنی گوما ناروائیں سلوک کنگ ئِ بے سر ئُُ پادیں بھتام ئَ را رد کُت۔ آئی ایس پی آر ئِ رد ئَ ملٹری آپریشنز ئِ ڈائریکٹر جنرل ئَ گوشت کہ پاکتانی اُرد اں ھما ھند ئَ نا کہ سیز فائر ئِ ھلاپ کتگ ئُُ ناکہ لائن آف کنٹرول ئَ آدیم شتگ اَنت۔ آئی ئَ گوشت کہ پاک اُرد یک کزبی اُردی ادارگ اِت ئُُ ایش اخلاق ئِ ٹوھتریں کد ئُُ بالاد ئِ بستار ئَ دار ایت ئُُ لاش آنی گوما ناروائیں سلوک ئِ بھتام مقبوضہ وادی ئِ جاور ھال آں چہ دُگنیا ئِ دلگوشی ئَ را گستا کنگ ئِ بھارت ئِ کوشست اِت۔
