لیہ۔ 2 مئی (اے پی پی) مزن وزیرمحمد نوازشریف ئَ گوشت کہ ما سیاست ئَ را یک اِبابت ئِ لیک آں، دِ گر ئِ سر ئَ لیتار آنی ریچگ ئُُ دروگ بندوک لیڈر گوشگ ئِ ھکدار نہ اَنت، ھلاپ کنوک آنی ایجنڈا دروگ زبرگ ئُُ بٹاک جنگ، مئے مول ئُُ مراد ایوک ئَ پاکستان ئِ دیمروئی ئُُ وشھالی اِنت، سھب ئَ بگر تاں شپ ئَ ئُُ شپ ئَ بگر تاں سھب ئَ اُلس ئِ اِزمت ئَ کن آں وھدیکہ ھلاپ کنوکیں سیاست کنوک تچ اَنت۔ آئی ئَ اے گپ سئے شمبے ئِ روچ ئَ اِدا لیہ ۔تونسہ پل ئِ بُن ھشت ئِ ایر کنگ ئِ موہ ئَ اُلسی مزنیں مُچی ئَ گوں گشتانک دیان ئَ تران کُت۔ مز ن وزیر ئَ مزنیں کساس ئَ ساڑی بوتگیں اُلس ئِ جوش ئُُ جوزگ آنی ساڑا کُت ئُُ گوشت کہ اگاں کسے ئَ را غلط پھمی اَست اِنت گڈا آ لیہ ئَ بیا اَنت ئُُ بچار اَنت، 2013ئِ گچین کاری ئَ لیہ ئِ اُلس آں مزنیں گیشی ئَ گوں مسلم لیگ (ن) ئَ را کامیات کتگ ئُُ مرچگیں مچی ھم 2018ئِ کامیاتی ئِ گواچن اِنت۔ مزن وزیر ئَ گوشت کہ نواز شریف ھرچی کہ وعدہ کنت ایشرا پورا کنت، وتی سنگ آناں ھم بے ھیال نہ کنت۔ آئی ئَ گوشت کہ ھلاپ کنوک آنی ایجنڈا دروگ، ناشرکاری ئُُ بٹاک ئُُ زاھ ئُُ بد دیگ اِنت بلے ما کدئی ھم وتی زبان ئَ ھراب نہ کتگ، مئے مول ئُُ مراد ایوک ئَ پاکستان ئِ دیمروئی ئُُ وشھالی اِنت۔ آئی ئَ گوشت کہ من سھب ئَ بگر تاں شپ ئُُ سپ ئَ بگر تاں سھب ئَ اُلس ئِ اِزمت ئَ کن آں ئُُ ما ایوک ئَ اللہ پاک ئَ چہ کمک لوٹ آں۔ آئی ئَ گوشت کہ لیہ ئِ ٹوھیں مُچی شیر آنی مُچی اِنت، شیر ئُُ تولگ ئِ دیم پہ دیمی بوت نہ کنت۔ آئی ئَ گوشت کہ اُلس ئِ دوستی ئَ چہ گیش دگہ مستریں وش بھتی چے بوت کنت، اُلس ئِ دوستی مئے راستیں آسر اَنت۔
