لاہور۔2 مئی (اے پی پی )صدرمملکت ممنون حسین ئَ گوشت کہ گوستگیں وھد ئَ وانگ ئُُ زانگ ئُُ صنعت ئَ را نیشنلائز کنگ ءَ چہ ملک ئَ را سک باز تاوان رستگ ایشی ئِ برورد مروچی مئے بڈ ئَ کپتگ اَنت، انفارمیشن ٹیکنالوجی ئِ پڑ ئَ دیمروئی ملک ئِ دُرستاں چہ مستریں دیمروئی پراجیکٹ سی پیک ئَ گوقں بندوک اَنت ھمے ھاترا آئی ٹی ئِ پڑ ئَ نودر بر آنی گیشاں چہ گیش دلگوشی دیگ وشیں گپ اِت، سی پیک ئِ روبرکتی کشک ئِ تہ ئَ اِچ مٹی کنگ نہ بوتگ، ملک ئِ مزنیں ئُُ ٹوھیں مڈی آں چہ نپ ئُُ سیت چست کنگ ئِ ھاترا اے جیڈھ آناں گیوار کنگ لوٹیت۔ اے ھیالانی درشانی آئی ئَ گوستگیں روچ ئَ اِدا یک ھندی ہوٹلے ئَ برجم داشتگیں ورچوئل مزن شاہ دربر جاھ ئِ کانوکیشن ئَ گشتانک دیان ئَ کُت۔ مراگش ئَ چیئرمین بورڈ آف گورنر رضوان بشیر خان، ریکٹرورچوئل مزن شاہ دربر جاھ ڈاکٹر نوید احمد ملک ئَ ھوار پوزیشن زوروکیں نودربر گوں مات ئُُ پت آں ھوار اَتنت۔ صدر ئِ مملکت ممنون حسین ئَ گوشت کہ انفارمیشن ٹیکنالوجی ئِ شوہاز ئَ سرجمیں دگنیا ئَ را مٹ کتگ، آیوکیں روچ آنی تہ ئَ اے زانت ئُُ زانش آنی تہ ئَ گیش شائیگانی کئیت۔ اے زمانگ ئَ پاکستان ئُُ چین اقتصادی راہداری ئِ وسیلگ ئَ رو دراتک ئَ را روبرکت ئُُ گوریچان ئُُ زرّبار ئَ گوں یکجا کتگ بوتگ ئُُ اے پڑ میاں اوستمانی تجارت ئِ بُنجاھ جوڑ بوتگ۔
