یکم مئی ( اے پی پی) ھزانگئِ وزیر سینیٹر اسحاق ڈار ئَ گشتگ کہ جہدءُ کوشست ئِ گوما اگاں کار کنگ بہ بیت گڈا پاکستان زوت دراھیں ملک آنی تہا اول بیت۔ دوشمبے ئِ روچئَ ھزانگئِ وزیر اسحاق ڈار ئَ شماریات ڈویژن ئِ ترءُ تا ب کتگ۔ آئی ئَ مردم شماری ئِ دومی بھر ئِ ھوالگئَ ھڈ داتگیں اجلاسئِ سروکی کتگ، اجلاس ئِ تہا آئیئَ را چیف شماریات کمشنر آصف باجوہ ئَ مردم شماری ئِ سرئَ بوتگیں کاراں چی سرپد کتگ۔ اسحاق ڈارءَ پوریاگرآنی میاں اوستمانی روچئِ بوھگئَ ابید ھم وتی کارانی تہا دزگٹ بوھگئَ عملہ ئَ را ساڑاتگ ءُ گشتگ کہ فرض ئِ اادائیگی ئِ وسیلگئَ پوریاگرآنی میاں اوستمانی روچ گوازینوکیں راج زوت دیم روئی کن اَنت، ھزانگئِ وزیر ئَ گشتگ کہ پاکستان بیورو آف شماریات ٹیم ، سکیورٹی اہلکار، عملہ شماری ئِ نیمگئَ چہ جوانیں جوشءُ جزبگ، جہدءُ کوشست کنگئَ آھاناں ساڑاتگ، آئیئَ گشتگ کہ مردم شماری ئِ اولی بھرئِ تہا جوشءُ جزبگئِ درشانی کنت بوتگ آ دومی بھرئِ تہا ھم بہ بیت۔ اے موھئَ آئی ئَ ھال داتگ کہ 25اپریل ئَ چہ جاری دومی بھرھم جوانی ءِ گوما جاری اِنت۔ آصف باجوہ ئَ آئی ئَ را ھال داتگ کہ مردم شماری ئِ تہا سیکیورٹی ادارگءُ اُلس ئَ کمک ءُ ھمراھ داری کتگ۔
