راولپنڈی۔ یکم مئی ( اے پی پی) چیف آف آرمی چیف جنرل قمر جاوید باجوہ ئَ گشتگ کہ ماتیں وطن ئِ دیمپانی کنگئِ ھاترئَ پاک فوج ئِ بے کساسیں قربانی اَست اَنت، راج ماتیں وطن ئِ دیمپانیءُ سلامتی ئِ ھاترئَ بے کساسءُ بے مٹیں قربانی دیئگ ئِ ھوالگئَ مارا من ایت، ریاست ئِ رٹئَ را بحال کتگ۔ دوشمبے ئِ روچئَ آئی ایس پی آر ئِ نیمگئَ چہ جاری اعلامیہ ئِ ردئَ آرمی چیف جنرل قمر جاوید باجوہ ئَ خیبر ایجنسی ئِ ترءُ تاب کتگءُ پاک اوگان سیمسرئَ دیم ئِ مورچگ آنی سرئَ ورناھ آنی گوما روچ گوازینتگ۔ آرمی چیف ئَ را فوج ئِ آپریشنل تیاری ءُ گہتریں سیکیورٹی بندوبستانی سرئَ شونشت ھم دیئگ بوتگ۔ آرمی چیف ئَ ناشرکاریئِ ھلاسی ئِ ھاترئَ ورناھ آنی جزم ئَ را ساڑاتگ، آرمی چیف ئَ را ایف سی خیبر پختونخوا ونگ ئِ تہا ورناھ آنی بھرتی کنگئِ ھوالگئَ ھم شونشت دیئگ بوتگ، آرمی چیف ئَ گشتگ کہ مھکمیں امنءُ ایمنی ئِ نیمگئَ نوں کار کنگ بوھگئَ اِنت، راج مئے بے مٹیں ءُ بے کساسیں قربانی آنی سوبئَ مارا من ایت، ریاست ئِ رٹ مزنیں ھدے ئَ بحال کتگ، سیمسری سیکیورٹی گامگیجانی سوبئَ ناشرکارانی سُرءُ پُرآں گرءُ دار کنگئَ کمک رسیتگ۔ آئی ئَ گشتگ کہ ما تیں وطنئِ دیمپانی ئِ ھاترئَ کجام ھم وڑیں وقربانی دیئگئَ پُشتئَ نہ کنز اَنت، راج ماتیں وطن ئِ دیمپانی ئِ ھاترئَ پاک فوجئِ گوما ھم گام اِنت، مہ پکّہں امنءُ ایمنی ءُ مھکمی ئِ نیمگئَ رھادگ اَنت۔ ایشی ئَ چہ پیسر آرمی چیف ئِ خیبر ایجنسی سربوھگئَ کمانڈر پشاور کورلیفٹیننٹ جنرل نزیر احمد بٹءُ آئی جی ایف سی کے پی کے ئَ آئیئَ را وش اَتک کتگ۔
