اسلام آباد۔یکم مئی ( اے پی پی) صدر ممنو ن حسین ئَ گشتگ کہ ماتیں وطن ئِ اقتصادی دیم روئی ءُ وشھالی مئے جہدکارءُ ہنرمندآنی مے مٹیں کوشستاں ابید بوت نہ کنت، مارا اوست اِنت کہ دراھیں اسٹیک ہولڈرز آنی کمک ئَ چہ ما وتی جہد کارانی ھاترئَ جوانیں زند ھاسل کت کن اَنت ءُ آھانی ھاترئَ دیمروئی ئِ یک وڑیں موھءُ ھق آنی پھجاریئَ را اوست مند جوڑ کت کن اَنت، شکاگو ئِ شہدآں جبر، زلمءُ نہ ھکی ئِ ھلاپئَ جہدکتگءُ قربانی داتگ۔ صدرممنون حسینئَ اے ھیالانی درشانی پوریاگرآنی میاںاوستمانی روچئِ درگتئَ دوشمبےءِ روچئَ کتگ۔ کہ اے روچ سرجمیں دگنیائَ ھوار پاکستانئَ ھم گوازینگ بوھگئَ اِنت، اے موھئَ راجئِ نامئَ وتی ھاسیں کلوھئِ تہا صدرممنون حسینئَ گشتگ کہ پوریاگرآنی میاں اوستمانی روچ یکیں انچیں موھ اِت کہ ادئَ مہ زالبولءُ مردیم آدمانی ازمتئَ ساڑااَنت کہ اے ملکئِ مزنیں بھرے اَنت، اے روچ شکاگو ءِ شہیدآنی یاتئَ نوک کنت کہ آھاں زلمءُ نہ ھکی ئِ ھلاپ ئَ جہدءُ کوشستاں قربانی داتگ ، اے روچئَ مہ پاکستانی پوریاگرءُ جہدکاراں دادءُ سلام پیش کن اَنت کہ آ راجی دیمروئی ئِ تہا وتی گران نیادیں بھرئَ مان کن اَنت۔ صدرئَ گشتگ کہ اے روچ پاکستانی مردمی زورئِ کردءُ آئی ئِ جہدءُ جزمئِ چیدگ ئِ ردئَ گوازینگ بیت، کہ آھاں پاکستان ئَ را دگنیائِ تہا یک عزت داریں ءُ دیمروئی دوستیں راجے جوڑ کنگئِ کشک ئَ رھادگ کتگ۔
