اسلام آباد ۔ 30 اپریل (اے پی پی) حکومت ئَ مئی ئِ ماہ ئَ پہ پیٹرولیم مصنوعات ئِ بہا ئَ بدلی نہ کنگ ئِ پیسلہ کرتگ۔یک شمبے ئَ حزانگ وزیر سینیٹر اسحاق ڈار ئَ احوالکاراں گوں گپ وتران کنان ئَ گشتگ کہ پیٹرولیم مصنوعاتئِ بہا ئَ بدلی نہ کنگ ئِ جار جتگ۔حزانگ وزیر ئَ گشتگ کہ اوگرا ئُُ وزارت پیٹرولیمئُُ قدرتی وسائل ئَ گاسلیٹئِ بہا ئَ 15روپے 19پیسے، لائٹ ڈیزل ئِ یک لیٹر بہا ئَ 10روپے 65پیسے ، ایم ایس 92رون پیٹرول ئِ بہا ئَ 1روپے 20پیسے وھدیکہ ڈیزل ئِ بہا ئَ 1روپے 10پیسے گیش کنگ ئِ سپارش اتنت،مزن وزیرئِ نیمگا چہ اُلس ئَ را گیش ئَ چہ گیشتر ریلیف دیگ ئِ پنت ئِ روژنی ئَ مئی ئِ ماہ ئَ پٹرولیم مصنوعات ئِ بہا ئَ بدلی نہ کنگ ئِ پیسلہ کنگ بوتگ۔ آہاں گشتگ کہ اپریل 2016ئَ چہ پیٹرولیم مصنوعات ئِ بہا ئَ گیش نہ کنان ئَ حکومت حزانگ ئِ تاوان کنگ انت بلے اُلس ئَ را سبسڈی دیگ انت۔
