اوکاڑہ ۔ 29اپریل (اے پی پی) مزن وزیر نواز شریف ئَ گشتگ کہ داں 2018 ئَ ملک ئَ چہ لوڈشیڈنگ ئِ سرجم ھلاس کنگ بیت۔ تربیلا، نیلم جہلم ئُُ ایندگہ توان ئِ منصوبگ آنی سرا کار برجاہ انت ، 960 میگاواٹ ئِ نیلم جہلم ئِ منصوبگ آیوکیں سال ئَ سرجم بیت، نواز شریف کسے ئِ گشگ ئِ سرا دزکشی نہ دنت، مئے ابید کسے ئَ موٹروے آنی سرا دلگوشی نہ داتگ، سرجمیں ملک ئِ دیمروئی ئِ کارئَ جاڑی ایر کناں۔ اے ھیالانی درشان آہاں شمبے ئَ اوکاڑہ ئَ مسلم لیگ (ن) ئِ مچی ئَ گوں تران کنان ئَ گشتگ انت۔مزن وزیر ئَ گشتگ کہ من اوکاڑہ ئَ گوں ئُُ اوکاڑہ ئِ اُلس مناں دوست دارگ انت۔مزن وزیر ئَ اے موہ ئَ دیپالپور فلائی اوور ئِ جوڑ ئُُ سوئی گیس ئِ پھجارگ ،شاھدگ آنی جوڑجاڑی ئِ جار ھم جتگ۔آہاں گشتگ کہ دیپالپور فلائی اوور ئِ جوڑ ئِ سرا 74 کروڑ کلدار ھرچ بنت وھدیکہ شاھدگ آنی سرا 20کروڑ کلدار ھرچ بنت۔۔ مزن وزیر ئَ سوئی گیس ئِ پھجارگ ئِ ھاترا 47کروڑ کلدار ئِ گرانٹ ئِ ھم جار جتگ۔ایشی ئِ ابید اوکاڑہ ئَ 200 جاگہ آنی نادراھ جاءئِ اپ گریڈ یشن ئِ ھم جار جتگ۔مزن وزیر ئَ گشتگ کہ اوکاڑہ ئِ اُلس ئَ2013ئَ مسلم لیگ (ن) ئَ گوں دوستی ئِ ثبوت دیگ انت۔اوکاڑہ پاکستان ئِ دل انت ئُُ وتی کارکردگی ئِ بنیات ئَ مسلم لیگ (ن) آیوکیں گچینکاری ئَ یک واری پدا سرسوب بیت۔مزن وزیر ئَ گشتگ کہ سرجمیں ملک ئَ توان ئِ پلانٹ ئِ سرا کار ترندی ئَ برجاہ انتئُُ داں 2018ئَ ملک ئَ چہ لوڈ شیڈنگ ئِ ھلاسی کنگ بیت۔
