اسلام آباد۔ 29 اپریل (اے پی پی) مزن وزیر محمد نواز شریف ئَ ڈان لیکس انکوائری کمیٹی رپورٹ ئِ سپارش آنی منظوری داتگ ایشی ئِ ردا روتاک ڈان ، ظفر عباس ئُُ سرل المیڈا ئِ معاملہ آل پاکستان نیوزپیپرزسوسائٹی (اے پی این ایس ) ئِ ھوالہ کرتگ،پرنسپل انفارمیشن آفیسر (پی آئی او) راو تحسین علی ئِ ھلاپ ئَ ای اینڈ ڈی رولز 1975ئِ قانود ئِ ردا کارروائی بیت،مزن وزیر ئِ ھاسیں کمکار طارق فاطمی ئَ چہ آئی ئِ اگدہ واتر گرگ بیت۔شمبےئَ مزن وزیر گِس ئَ چہ جاڑی سرجمیں حال ئِ ردا مزن وزیرئَ ڈان لیکس انکوائری کمیٹی رپورٹ ئِ سرا چار ئُُ تپاس کنان ئَ آئی ئِ 18می پیرا ئِ منظوری داتگ۔روتاک ڈان ، ظفر عباس ئُُ سرل المیڈا ئِ کردئِ معاملہ آل پاکستان نیوز پیپرز سوسائٹی( اے پی این ایس )ئِ ھوالہ کرتگ اے آہانی ھلاپ ئَ کارروائی کنت۔
