اسلام آباد۔28اپریل ( اے پی پی ) ھال ءُ اھیوال کاری ءُ شنگکاری ، راجی ورثہ مریم اورنگزیبئَ گشتگ کہ مزن وزیر محمد نواز شریف ئِ ویژن ئِ ردئَ حکومت ورکنگ جرنلسٹ آنی ھقانی پہازگئَ الم ئَ گامگیج کنت، انوگیں جمہوری حکومت درشانئِ آجوئیئِ سرئَ یقین کنت۔ آ جمعہ ئِ روچئَ ھشمتی ویج بورڈ ئِ تشکیل ئَ ھوالگئَ مزن تک ئِ اجلاسئِ سروکیئَ کنگئَ بوتگ۔ اجلاس ئِ تہا ویج بورڈ ئِ تشکیل ئِ ھوالگئَ بازیں کارانی چار تپاسی کتگ۔اجلاس ئِ تہا پیسلہ کنگ بوتگ کہ ھال ءُ اھیوال کار ی وزارت اے بابتئَ کانودءُ انصاف ڈویژنئِ کانونی زانت کاراں گوں شورءُ صلہ کنت ءُ ھشمتی بورڈ ویج بورڈ ئِ تشکیل ئِ ھاترئَ ھال ءُ اھیوال کاری ءُ شنگکاری وزارت دراھیں سٹیک ہولڈر آنی گوما شورءُ صلہ ھم کنت۔ گڑی ویج بورڈ اکتوبر 2001ئَ جوڈ بوتگ ۔ اجلاسئَ گوں تران کنانئَ ھال ءُ اھیوال کاری ءُ شنگکاری ءُ راجی ورثہ مریم اورنگزیب ئَ گشتگ کہ انوگیں جمہوری حکومت درشانئِ آزاتی ئِ سرئَ اوست داریت۔ آئیئَ گشتگ کہ انوگیں حکومت مزن وزیر محمد نواز شریف ئِ ویژن ئِ ردئَ صحافی آنی ھق ءُ گہبود ئِ ھاترئَ مدام کوشست کنت۔ اجلاس ئِ تہاھال ءُ اھیوال کاری ءُ شنگکاری ئِ مزنیں حکام ھوار بوتگ اَنت۔
