لاہور۔28اپریل (اے پی پی )پاکستان کرکٹ بورڈ ئِ چیئرمین شہر یار خان ئَ گوشت کہ بگ تھری ئِ ھلاسی ئَ پاکستان ئِ ارزشتی ایں کرد اِت، ما دگنیا ئِ ایندگہ کرکٹ بورڈ ئِ گوما ھواری ئَ بگ تھری ئَ را ایشی ئِ آسر ئَ سر کتگ۔ اِدا نیشنل کرکٹ اکیڈمی ئَ میڈیا ئَ گوں تران کنان ئَ آئی ئَ گوشت کہ بگ تھری جمہوری رپک ئَ چہ ڈن بوتگ، سیٹ ئِ سر ئَ نندگ ئَ پد بگ تھری ئَ را ھلاس کنگ ئِ کوشست کتگ۔ پاکستان ئَ دُرستاں چہ پیسر بگ تھری ئِ ھلاپ کتگ بوتگ۔ چیئرمین کرکٹ بورڈ ئَ گوشت کہ وھد یکہ من بگ تھری ئِ ھلاپ کتگ۔ چیئرمین کرکٹ بورڈ ئَ گوشت کہ آوھد ئَ من بی سی بی ئِ زمہ واری چست کتگ آں آ وھد ئَ بھارت، آسٹریلیا ئُُ انگلینڈ انٹرنیشنل کرکٹ ئَ سک باز مردم چست ئُپ ایر آنی تہ ئَ بوتگ آں، وھد ئِ بھارتی کرکٹ بورڈ ئِ پیسریگیں چیئرمین ششانک منوہر کرکٹ ئِ اے اے نظام ھراب اِنت ئُُ اے رنگ ئِ نظام مہ بیت۔ ششانک منوہر ئِ اے گام ئِ سبب ئَ آئی ئَ را بھارت ئِ نیمگ ئَ چہ سک باز ایراد آنی نشانگ بوھگ کپتگ ، پدا ھم ششانک منوہر ئِ بگ تھری ئَ را ھلاس کنگ ئَ دُرستاں چہ مستریں کرد ئِ پیلو کتگ۔ بگ تھری ئِ ھلاسی ئَ چہ پاکستان ئَ 39ملین ڈالر ئِ نپ بیت۔ آئی ئِ گوشگ بوتگ کہ ، آئی سی سی ئَ دبئی ئ۔ بوھوکیں دیوان ئَ چہ پیسر بھارت ئَ دب اِتگیں گال آنی یک نمدی یے وسیلگ ئَ دُرستاناں دھمکی دات کہ اگاں بگ تھری ئِ ھلاپ کنگ بوت گڈا ما پسوئی کاراوائی کنگ ئِ ھک ئَ دار آں بلے اِچ کس دھمکی آنی چیر ئَ نہ اتک۔
