اسلام آباد۔ 28 اپریل (اے پی پی) پارلیمنٹ نا پبلک اکاﺅنٹس کمیٹی نا بروک آ تُو دیوان تا شیڈول ئِ جاری کننگا ہرانا رداٹ پی اے سی نا دیوان 9، 10، 11و 23مئی آ پارلیمنٹ ہاﺅس اٹی مریک۔ دیوان نا کماشی ئِ پی اے سی نا چیئرمین سید خورشید احمد شاہ کیک۔ دیوان اٹی بنجائی وزارت و ڈویژن تا آڈٹ اعتراض آتا جاچ ئِ ہلنگک ولے 24مئی آ سہب انا 11بجہ غا پی اے سی نا دیوان پی ٹی اے ہیڈکوارٹر اٹی اڈ ہلیک ہراٹی پی ٹی اے نا کنڈآن ادارہ نا چندی معاملہ غاتا بابت پی اے سی ئِ بریفنگ تننگک۔
