اسلام آباد۔5اگست (اے پی پی): تہی کارانی بنجاہی وزیر رانا ثنا اللہ ء گشتگ کہ بھارت کدی ہم کشمیری اُلس ءِ آجوہی ءِ جدوجہد ءَ را ہلاس کُت نہ کنت، پاکستان کشمیری اُلس ءِ ہرچ تک ءَ توار ءَ چست کنت ، بھارت ءِ بے کانودی قبضہ کنگءَ کشمیری اُلس وتی ہوناں چہ کشمیر ءِ آجوہیءِ جدوجہد ء َ دیما برگءَ اَنت، آیانی اے جدوجہد المءَ سوبمند بیت۔ جمعہ ءِ …
پاکستان کشمیری اُلسءِ ہمک تک ءَ توار چست کنت، تہی کارانی بنجاہی وزیر ءِ اسلامی یونیورسٹی ءَ مراگش ءَ گوں تران
گیشتریں ھال
اسلام آباد۔5اگست (اے پی پی): تہی کارانی بنجاہی وزیر رانا ثنا اللہ ء گشتگ کہ بھارت کدی ہم کشمیری اُلس ءِ آجوہی ءِ جدوجہد ءَ را ہلاس کُت نہ کنت، پاکستان کشمیری اُلس ءِ ہرچ تک ءَ توار ءَ چست کنت ، بھارت ءِ بے کانودی قبضہ کنگءَ کشمیری اُلس وتی ہوناں چہ کشمیر ءِ آجوہیءِ جدوجہد ء َ دیما برگءَ اَنت، آیانی اے جدوجہد المءَ سوبمند بیت۔ جمعہ ءِ روچءَ میاں اوستمانی یونیورسٹی ءَ بیرک مک کنگءِ مراگش ءَ گوں تران کتگء ُ تہی کارانی وزیرءَ گشتگ کہ 5 اگست ءَ بھارتءَ کشمیری آنی حق پولیتگ اَنت ، بھارتءِ ہلاپ ءَ کشمیری وتی ہوناں چہ آجوہی ءِ جدوجہد ءَ دیما برگ ءَ اَنت، آیانی آجوہیءِ اے کوشست الم ءَ سوبمند بیت۔ آئی ءَ گشتگ کہ پاکستان مئے پتء ُ پیروکانی قربانی برورد اِنت، پاکستان سرجمیں اُمتءِ اُمیتانی بُنجاہ اِنت۔ مہ نبی ؐ ءِ شرپ ء ُ عزت ءَ ندربوہوکیں مردم اَنت۔ آئی ءَ گشتگ کہ پاکستان اللہ ء ُ کلمہ طیبہ ءِ نام ءَ جوڑ بوتگ ۔ قائداعظم محمد علی جناحؒءَ برصغیر ءِ مسلمان آناں یک پلیٹ فارم ءِ سرءَ مُچ کتگ۔ آئی ءَ گشتگ کہ پاکستان آجوہی ءِ یک مزنیں راج دپتر اِت۔ ایشی ءَ ابید اے موہ ءَ آئی ءَ گشتگ کہ دوستیں ملک سعودی عرب ء ُ خادمین الحرمین شریفین ءِ پاکستان ءِ گوما کمک کنگ ءَ شکر ء ُ منت کہ آئی ءَ اے گرانیں ساہت ءَ مئے گوما ہمراہ داری کتگ۔ آئی ءَ گشتگ کہ گشتگ کہ میاں اوستمانی اسلامی یونیورسٹی ءِ وانگء ُ زانگءِ پڑءَ کوشست لکھ ستاہ کرز اَنت۔ اے موہ ءَ میاں اوستمانی یونیورسٹی ءِ صدر ڈاکٹر ھذال حمود العتیبی ءَ گشتگ کہ پاک سعودی سیادی بے مٹ اِت۔
