بزگیں کشمیری آنی  توارءَ  دنیاءِ  کُنڈ کُنڈ ءَ سرکنگ ءِ ھاترءَ  یک محکمیں نظامے ءِ دیما آرگءِ ضلورت اِنت،  حال ء ُ اھیوال  کاری سیکرٹری شاہیرہ شاہد

اسلام آباد۔5اگست  (اے پی پی): حال ء ُ ایوال کاری ء ُ شنگکاری ءِ  بنجاہی سیکرٹری شاہیرہ شاہد ءَ بزگیں کشمیری آنی توارءَ را دنیاءِ کُنڈ کُنڈ ءَ سرکنگءِ ھاترءَ محکمیں  نظامے دیما آرگ ءِ  ضلورت ءِ سرءَ  زور پرداتگ ء ُ گشتگ کہ میڈیا ءَ را بزگیں  کشمیری آنی توار جوڑ بوہگ لوٹ ایت ء ُ بھارت ءَ مقبوضہ جموں کشمیر ءِ تہا زُلم ء ُ ناحقی کتگ ء ُ کنگ ءَ اَنت، دنیا ءَ را اے گپاں چہ سرپد کنگ لوٹ ایت۔  حال ءُ اھیوال کاری ء ُ شنگکاری  وزارت ءِ  زمہ واری اِنت کہ  آ کشمیری آنی کلوہ ءَ ہمک فورم ءِ سرءَ چست بہ کنت۔ آ جمعہ ءِ روچءَ "یوم استحصال ” ءِ سئے سال سرجم بوہگءَ ڈائریکٹوریٹ آف الیکٹرانک میڈیا اینڈ پبلیکیشنز ءِ چیردستی ءَ پاک چائنہ سینٹر ءَ ڈیجیٹل عکسانی نماش کنگءِ موہ ءَ ھڈداتگیں مراش ءَ گوں تران کنگءَ بوتگ۔ ۔ ڈی جی  انفارمیشن سروس اکیڈمی،ایم ڈی اے پی پی اختر منیر،ایگزیکٹو ڈائریکٹر اے پی پی عدیلہ رباب کاظمی، ڈائریکٹوریٹ آف الیکٹرانک میڈیا اینڈ پبلیکیشنز ءِ ڈائریکٹر آصف الرحمن ءُ ایندگہ سینئر افسر ہوار بوتگ اَنت۔