پاکستان ون بیلٹ ون روڈ ڈٹ اکن مثالی کمک نا نمونہ نا حیثیت دوئی کرینے
اسلام آباد۔ 28 اپریل (اے پی پی) چین اٹی پاکستان نا سفیر مسعود خالد پارینے کہ اقتصادی راہداری ڈٹ آن پاکستان اٹی روزگار نا وارخواہی ودانے۔ چین اٹی پاکستانی سفیر پارے کہ ہڑتوم آ ملک آک اہم ڈٹ آتا پوروی کن غٹ ممکنہ کوشست آتے کننگ ئُ پاکستانی سفیر پارینے کہ چین پاکستان اقتصادی راہداری پاکستان ئِ ون بیلٹ ون روڈ ڈٹ انا اہم باسک ملک اٹی بدل کرینے۔ چین نا اسہ ٹی وی پروگرام اسے ٹی خیال آتا درشانی ئِ کرسا اوپارے کہ ہڑتوم آ ملک آک اہم ڈٹ آتا پوروی کن غٹ ممکنہ کوشست آتے کننگ ئُ ۔ اوپارے کہ چین پاکستان اقتصادی راہداری نا رداٹ توانائی و بنداوی ڈھانچہ نا شونداری نا بشخ آتیٹی چندی ڈٹ آتیا کاریم برجائِ۔ مسعود خالد پارے کہ چین پاکستان اقتصادی راہداری ڈٹ انا بناءآن پد آن پاکستان اٹی روزگار نا 13ہزار وارخواہی ودی مسنے و او ون بیلٹ ون روڈ ڈٹ اکن مثالی کمک نا نمونہ نا حیثیت اس دوئی کرینے۔
