اسلام آباد۔ 28اپریل (اے پی پی) ملک انا 88 ضلع غاتیٹی خانہ و مردم شماری نا ارٹ میکو مرحلہ برجائِ ۔ اسلام آباد، راولپنڈی و بنجاءنا بست وبند اٹی قبائلی علاقہ غاک ہم ارٹ میکو مرحلہ ٹی اوار ئُ ۔ ادارہ شماریات نا رداٹ ملک انا 88 ضلع غاتیٹی خانہ و مردم شماری نا ارٹ میکو مرحلہ برجائِ ہرا بروک آ تُو انا بیست ئُ چار تاریخ آ پورو مریک۔ ارٹ میکو مرحلہ ٹی اسلام آباد، راولپنڈی و بنجاءنا بست و بند اٹی قبائلی علاقہ غاک ہم اوار ئُ۔ یات سلے کہ مردم شماری نا اولیکومرحلہ ٹی 63ضلع غاتیٹی مروک آ مردم شماری نا بارواٹی جمع مروک آ دستاویزات شماریات بیورو نا ہیڈ کوارٹر اٹی بحفاظت وصول کننگانو۔ جہانی مبصرین آک مردم شماری آ است جمی نا درشانی ئِ کرینو ہراڑآن مردم شماری نا شفافیت اٹی ودکی مسنے۔
