اسلام آباد۔ 28 اپریل (اے پی پی) مسلم لیگ (ن) نا سینیٹر لیفٹیننٹ جنرل (ر) عبدالقیوم کلبھوشن نا دزگیری و احسان اللہ احسان نا کنڈآن اعترافی بیان پاکستان کن اہم ئُ پیش رفت اسے۔ ریڈیو پاکستان تون ہیت وگپ کرسا اوپارے کہ مسلم لیگ (ن) نا حکومت و سیکورٹی ادارہ غاتے اولیت پاکستان ئِ دہشت گردی آن پاک کننگ نائِ، بھارتی دہشت گرد کلبھوشن نا دزگیری و احسان اللہ احسان نا کنڈآن اعترافی بیان پاکستان کن اہم ئُ پیش رفت اسے وخت اس کہ داکریڈٹ ہم ساڑی حکومت و پاکستان نا فوج ئِ کائک و داڑآن دہشت گردی نا چٹفنگ اٹی کمک رسینگک۔ اوملک انا برخلاف جنگ کروک آ خلقت آن خواست کرسا پارے کہ او سلہہ غاتے ہلسا ملکی شونداری ٹی دوئِ سبک کیر ۔ لیفٹیننٹ جنرل (ر) عبدالقیوم پارے کہ ننے اسہ وخت اٹی تہہ نا و پیشن نا دشمن تا مقابلہ ئِ کننگ نا حکمت عملی اس تینا کننگ نا گرج ئِ تانکہ ننا بروک آ نسل آتے رکھ فراوان کننگ مرے۔
