ڈان لیکس ئَ ھوار المی ایں جیڈھ آنی سر ئَ مزن وزیر ئَ را بریف کُت، مزن وزیر ئَ ڈان لیکس کمیٹی ئِ سپارشی آنی سر ئَ سرجمی ئَ عمل در آمد کنگ ئِ پنت ئُُ شون کُت، ترجمان وزارت ئِ تہی کار
اسلام آباد ۔ 27 اپریل (اے پی پی) مزن وزیر محمد نواز شریف ئَ تہی کارانی وزیر چوہدری نثار علی خان ئَ گوں پنچ شمبے ئِ روچ ئَ گند ئُُ نند کُت ئُُ ڈان لیکس ئَ ھوار توامیں جیڈھ آنی سر ئَ مز وزیر ئَ را بریفنگ دات۔ ترجمان تہی کارانی وزارت ئِ نیمگ ئَ جاڑی بوتگیں بیان ئِ رد ئَ مزن وزیر ئَ ڈان لیکس کمٹی ئِ سپارش ئِ سر ئَ سرجمیں عمل درآمد کنگ ئِ پنت ئُُ شون دات۔ ترجمان وزارت ئِ تہی کار ئَ اے بابت ئَ گوشت کہ لھتیں المی ایں کانودی ئُُ انتظامی جیڈھ آنی گیشینگ المی اِنت تانکہ کمیٹی ئِ سپارش آنی جار لگگ ئَ چہ ایشانی سر ئَ زوتاں زوت بندات بیت۔ ترجمان ئِ رد ئَ آیوکیں بیت ئُُ چار دئَ چہ سی ئُُ شش کلاک آنی تہ ئَ اے جیڈھ آنی سر ئَ کار سرجم کنگ بیت ایشی ئَ چہ پد کمیٹی ئِ توامیں سپارش آنی سر ئَ یک رچ ئَ جار جنگ بیت۔
